पुढारी ऑनलाईन डेस्क
भारतीय शेअर बाजारात मंगळवारी (दि. ३) सुस्त स्थिती दिसून आली. यामुळे सेन्सेक्स आणि निफ्टी सपाट पातळीवर बंद झाले. बीएसई सेन्सेक्सची सलग ११ व्या सत्रातील तेजी आज थांबली. तर निफ्टी ५० ची सलग १४व्या सत्रात तेजी कायम राहिली. सेन्सेक्स आज ८२,५५५ च्या सपाट पातळीवर बंद झाला. तर निफ्टी केवळ १ अंकाच्या वाढीसह सलग १४ व्या सत्रात २५,२७९ वर हिरव्या रंगात बंद झाला. निफ्टी बँकची मजबूत स्थिती राहिली.
सेन्सेक्स आणि निफ्टी सपाट पातळीवर बंद.
बीएसई सेन्सेक्सच्या सलग ११ व्या सत्रातील तेजीला ब्रेक.
निफ्टी ५० ची सलग १४व्या सत्रात तेजी कायम.
निफ्टी बँकची मजबूत स्थिती.
बीएसई मिडकॅप किरकोळ वाढीसह बंद.
स्मॉलकॅप निर्देशांक ०.५ टक्क्यांनी वाढला.
क्षेत्रीय निर्देशांकात बँक आणि कॅपिटल गुड्स निर्देशांक प्रत्येकी ०.५ टक्क्यांनी वाढले, तर मीडिया, मेटल, रियल्टी आणि ऑईल आणि गॅस ०.५ ते १.५ टक्क्यांनी घसरले. बीएसई मिडकॅप निर्देशांक किरकोळ वाढीसह बंद झाला आणि स्मॉलकॅप निर्देशांक ०.५ टक्क्यांनी वाढला.
सेन्सेक्सवर बजाज फायनान्स, इन्फोसिस, अदानी पोर्ट्स, जेएसडब्ल्यू स्टील, एचसीएल टेक, भारती एअरटेल, इंडसइंड बँक, टाटा मोटर्स हे शेअर्स घसरले. तर आयसीआयसीआय बँक, बजाज फिनसर्व्ह, टायटन, एचडीएफसी बँक, नेस्ले इंडिया हे शेअर्स तेजीत वाढले.
निफ्टी आज सलग १४ व्या सत्रात वाढून बंद झाला. आयसीआयसीआय बँक आणि एचडीएफसी बँक या हेवीवेट शेअर्समधील तेजीचा निफ्टीला सपोर्ट मिळाला. निफ्टीवर एसबीआय लाईफ, बजाज फिनसर्व्ह, आयसीआयसीआय बँक, एचडीएफसी लाईफ, हिरो मोटोकॉर्प हे शेअर्स प्रत्येकी १ टक्क्यांहून अधिक वाढले. तर बजाज फायनान्स, ओएनजीसी, इन्फोसिस, अदानी पोर्ट्स, एचसीएल टेक शेअर्समध्ये प्रत्येकी १ टक्के घसरण झाली.
