गुंतवणूक; अपर्णा देवकर : पब्लिक प्रॉव्हिडंड फंड म्हणजेच पीपीएफमधील गुंतवणूक हा सर्वोत्तम पर्याय मानला गेला आहे. कारण या योजनेत अन्य गुंतवणूक योजनेच्या तुलनेत चांगला परतावा मिळतो. तसेच कम्पाऊडिंगचा फायदा देखील मिळतो.
पीपीएफ खात्याची मॅच्युरिटी पंधरा वर्षांत पूर्ण होते. मात्र गुंतवणुकीचा एक नियम आहे. दीर्घकाळ गुंतवणूक केल्यास कम्पाऊडिंगचा फायदा गुंतवणूकदारास तितक्याच प्रमाणात मिळतो. या नियमाचे पालन करणारी अशी काही मंडळी आहेत की, ते पीपीएफ खात्याच्या मॅच्युरिटीनंतरही म्हणजे पंधरा वर्षांनंतरही गुंतवणूक सुरू ठेवण्याची इच्छा बाळगून असतात. या सवयीमुळे ते चांगली रक्कम उभी करू शकतील.
आपणही पीपीएफ खात्यात गुंतवणूक केली असेल आणि या योजनेला मॅच्युरिटीनंतरही सुरू ठेवू इच्छित असाल, तर निराश होण्याची गरज नाही. पीपीएफ खात्याचा विस्तार आपण पाच-पाच वर्षे असे कितीतरी वर्षे करू शकतो. मात्र यासाठी काही नियमांचे पालन करावे लागेल. पीपीएफ एक्स्टेेशनसाठी काय करावे लागेल, हे जाणून घेऊ.
