चालू वर्षामध्ये देशात घर खरेदीचे सर्व विक्रम मोडले आहेत. प्रॉपर्टी कन्सल्टंट ॲनारॉकच्या मते, २०२२ मध्ये टॉप ७ हाऊसिंग मार्केटमध्ये 3,64,900 पेक्षा अधिक घरांची विक्री झाली.
गेल्या वर्षी विक्री झालेल्या 2,36,500 घरांपेक्षा हे प्रमाण 54 टक्के जास्त आहे.
यापूर्वी २०१४ मध्ये सर्वाधिक म्हणजे 3 लाख 43 हजार घरांची विक्री झाली होती. यावर्षी त्यापेक्षाही जास्त 6.41
टक्के घरांची विक्री झाली.
मागणी वाढल्याने रिअल इस्टेट विकासकांनी दिल्ली, मुंबई, पुणे, चेन्नई, कोलकाता, हैदराबाद आणि बंगळूरमध्ये गेल्या वर्षापासून 51 टक्के जादा 3 लाख 57 हजार 600 घरांचे प्रोजेक्ट लाँच केले.
२०२१ मध्ये एकूण 2,36,700 घरांचे प्रोजेक्ट लाँच केले गेले होते.
विक्रीत मुंबई आणि वाढीमध्ये हैदराबाद अव्वल क्रमांकावर. त्यानंतर दिल्ली, बंगळूर, पुणे, चेन्नई आणि कोलकाता या महानगरांचा क्रमांक लागतो.
इंदूर, भोपाळ, जयपूर यांसारख्या दुसऱ्या क्रमांकाच्या शहरांमध्ये यंदा घर खरेदीचे प्रमाण 30 ते 35 टक्के राहिले.
जयपूरमध्ये रिअल इस्टेट सेक्टरमधून मुद्रांक शुल्क संकलनात 36 टक्के वाढ नोंदविली गेली.
