बेळगाव : पावसामुळे पाणलोट क्षेत्रात वाढ होत असल्याने हुक्केरी तालुक्यातील घटप्रभा, हिरण्यकेशी व मार्कंडेय नद्यांमध्ये पाण्याची आवक वाढली आहे. शिरुर धरणातून 2,500 क्यूसेक पाण्याचा विसर्ग सुरु झाला आहे. पश्चिम घाट भागात मुसळधार पावसामुळे मार्कंडेय नदीवर उभारण्यात आलेल्या धरणाच्या 4 दरवाजांतून दोन इंचाने पाण्याचा विसर्ग सुरु असल्याची माहिती सहाय्यक कार्यकारी अभियंता प्रवीण आरळीकट्टी यांनी दिली.
धरणाची पाणी साठ्याची क्षमता 3. 696 टीएमसी आहे. सध्या धरणात 2.223 टीएमसी पाणीसाठा जमा झाला आहे. धरणानजीक असलेल्या बगरनाळ, शिरुर, बस्सापूर, नदीगुडके, करगुप्पी, धोडगेरी या गावातील नागरिकांना सतर्क राहण्याचा इशारा देण्यात आला आहे.
यंदा जून महिन्यातच शिरुर धरण भरण्याच्या मार्गावर असल्याने धरणाच्या 4 दरवाज्यातून पाण्याचा विसर्ग सुरू झाला आहे.
