बेळगाव : पुढारी वृत्तसेवा : बेळगावहून धारवाडला व धारवाड़हून बेळगावला नियमितपणे ये-जा करणार्या प्रवाशांसाठी विनाआरक्षित विशेष रेल्वेसेवा सोमवार, 6 मार्चपासून सुरू करण्यात येत असल्याची माहिती खा. मंगल अंगडी यांनी दिली.
धारवाडहून (Dharwad-Belgaum Railway) सकाळी 8.15 वा सुटणारी रेल्वे बेळगावला सकाळी 10.45 वा. पोहोचेल व बेळगावहून सायंकाळी 7.30 सुटणारी रेल्वे धारवाडला रात्री 9.55 वा पोहोचेल. या रेल्वेगाडीला 22 डबे असणार आहेत. एक फर्स्टकम सेकंड टायर एसी कोच, एक 2 एसी टायर, एक 3 एसी टायर, 11 स्लिपर कोच, 5 जनरल सेकंड क्लास, 2 सेकंड क्लास सामानवाहू डबे असणार आहेत. ही गाडी खानापूर, लोंढा, अळनावर, रेल्वे स्थानकावर थांबण्याची व्यवस्था करण्यात आली आहे. ही रेल्वे पुढे धारवाडहून म्हैसूरला 10.10 वाजता जाणार्या रेल्वेशी जोड असेल.
