बेळगाव : बेकवाडच्या तरुणाचा बिडी जवळील शिवारात खून

खानापूर (बेळगाव); पुढारी वृत्तसेवा : बेकवाड (ता. खानापूर) येथील तरुण शेतकऱ्याचा बिडी जवळील बाळेकोडल शिवारात खून झाल्याची घटना आज (दि.१९) सकाळी उघडकीस आली. यल्लाप्पा शांताराम गुरव (वय ३३, रा. बेकवाड, ता. खानापूर) असे खून झालेल्या तरूणाचे नाव आहे. या घटनेची नोंद नंदगड पोलिस ठाण्यात झाली आहे.

• संकेश्वरात दोन ठिकाणी घरफोडी; ३ तोळे सोन्याच्या दागिन्यांसह ६८ हजार लंपास

याप्रकरणी अधिक माहिती अशी की, गुरव कुटुंबाची बिडी जवळील बाळेकोडल शिवारात शेत जमीन आहे. आज सकाळी दहाच्या सुमारास शेतातील घराबाहेर यल्लाप्पा याचा मृतदेह आढळून आला. शेतात एकच घर असल्याने तसेच आजूबाजूला कोणतीही वस्ती नसल्याने सकाळी शेतात गेलेल्या इतर शेतकऱ्यांना हा प्रकार निदर्शनास आला. त्यांनी याबाबतची माहिती नंदगड पोलिसांना दिली. पोलिसांनी घटनास्थळी धाव घेत पंचनामा केला. शेत जमिनीच्या वादातून हा प्रकार घडला असल्याची शक्यता पोलिसांनी वर्तवली आहे.

हेही वाचा :

• पानशेतजवळ पुण्यातील तरुणाचा खून; खोल खड्ड्यात मृतदेह पुरला; दोघांना अटक
• बेळगाव : पोलिस आयुक्त कार्यालयाच्या हद्दीत चार वर्षांत ५४९ जणांनी गमावले प्राण
• बेळगाव : कट्टणभावी, बंबरगा परिसरात गव्यांकडून ज्वारीचे मोठे नुकसान