तासवडे टोलनाका : पुढारी वृत्तसेवा वनवासमाची ता.कराड येथे (मंगळवार) संध्याकाळी सात वाजण्याच्या सुमारास महिलेचा दगडाने ठेचून निर्घृण खून केल्याची धक्कादायक घटना घडली आहे. लता मधूकर चव्हाण (वय 45) रा.वनवासमाची जुने गावठाण ता.कराड असे खून झालेल्या महिलेचे नाव आहे.
जळण आणायला डोगंरात गेल्यावर संशयिताने डाव साधत महिलेचा दगडाने ठेचून खून केल्याचे निष्पन्न झाले आहे. या घटनेची माहिती मिळताच उपविभागीय पोलीस अधिकारी डॉ. रणजीत पाटील, सातारा स्थानिक गुन्हे अन्वेषण विभागाचे अरुण देवकर, तळबीड पोलीस ठाण्याचे सपोनि राहुल वरोटे हे पोलीस पथकासह घटनास्थळी दाखल झाले आहेत. पोलिसांकडून घटनास्थळाची पाहणी करण्यात आली असून, संशयिताचा कसून तपास चालू आहे. यावेळी श्वानपथकालाही पाचारण करण्यात आले होते.
हेही वाचा :