चंद्रपूर; प्रतिनिधी : ताडोबा-अंधारी व्याघ्र प्रकल्पातील कोळसा वनपरिक्षेत्रतील बोटेझरी हत्ती कॅम्प येथील लक्ष्मी हत्तीणीने काल सोमवारी (६ सप्टेंबर २०२१) रात्री एका गोंडस पिलाला जन्म दिला. ते बाळ नर असून, आई आणि बाळ दोघेही सुखरूप आहेत. या पूर्वी लक्ष्मीने जन्म दिलेले पहिले बाळ आता तीन ते चार वर्षाचे झाले आहे.
लक्ष्मी आणि पिल्लाची योग्य ती काळजी घेतली जात असल्याची माहिती ताडोबा-अंधारी व्याघ्र प्रकल्पाचे क्षेत्र संचालक जितेंद्र रामगावकर यांनी पुढारीला दिली आहे.
जगभरात व्याघ्र पर्यटनासाठी प्रसिद्ध असलेल्या ताडोबा व्याघ्र प्रकल्पात वाघांचे मोठे साम्राज्य आहे. त्यामुळेच जगभरात ताडोबाची ओळख या ठिकाणी येणा-या देशविदेशातील पर्यटकांच्या माध्यमातून होत आहे. या व्याघ्र प्रकल्पात हत्तीचेही संगोपण चांगल्या प्रकारे केल्या जात आहे. सध्या लक्ष्मी हत्तीणीने आणि त्यांच्या पिल्लाचे फोटो लक्षवेधीतच आहे.