पुणे; पुढारी वृत्तसेवा : पुणे शहरात खुनाचे सत्र काही थांबण्याचे नाव घेइना. पुण्यातील वानवडी परिसरात एका तरुणाचा दगडाने ठेचून खून करण्यात आल्याची धक्कादायक घटना घडली आहे. ही घटना शनिवारी पहाटे एक वाजण्याच्या सुमारास, काळेपडळ संत शिरोमणी नरहरी महाराज मंदिराच्या बाजूला असलेल्या रस्त्यावर घडली. महादेव रघुनाथ मोरे, ( वय 25, रा. काळेपडळ) असे खून झालेल्या तरुणाचे नाव आहे.
याप्रकरणी पोलिसांनी पाच अल्पवयीन मुलांना ताब्यात घेतले आहे. दरम्यान नेमका हा खून कोणत्या कारणातून करण्यात आला, हे मात्र समजू शकले नाही. घटनेची माहिती मिळताच पोलिसांनी घटनास्थळी धाव घेतली असून, तपास सुरू केला आहे.
हेही वाचा