Ajit Agarkar on Vaibhav Suryavanshi selection : भारतीय क्रिकेट नियामक मंडळाने (BCCI) आयर्लंड, इंग्लंड आणि जपानमधील २०२६ च्या आशियाई क्रिकेट स्पर्धेसाठी खेळांसाठी भारतीय पुरुष संघाची अधिकृत घोषणा केली आहे. या दौऱ्यांसाठी श्रेयस अय्यरकडे कर्णधारपद सोपवण्यात आले आहे, तर अवघ्या १५ वर्षांच्या 'वंडर बॉय' वैभव सूर्यवंशीला पहिल्यांदाच भारताच्या वरिष्ठ टी-२० संघात स्थान मिळाले आहे.
या संपूर्ण संघ निवडीमध्ये सर्वात जास्त लक्ष वेधून घेतले आहे ते १५ वर्षीय फलंदाज वैभव सूर्यवंशी याने. राजस्थान रॉयल्सच्या युवा फलंदाजाने गेल्या एका वर्षात केलेल्या अफलातून कामगिरीने तो भारतीय क्रिकेटमधील सर्वात आश्वासक खेळाडू म्हणून समोर आला आहे.
भारताने २०२६ चा आयसीसी अंडर-19 पुरुष क्रिकेट विश्वचषक जिंकण्यात वैभवने महत्त्वाची भूमिका बजावली होती, जिथे त्याला 'प्लेअर ऑफ द टुर्नामेंट' आणि 'प्लेअर ऑफ द फायनल' या दोन्ही पुरस्कारांनी गौरवण्यात आले होते. हाच फॉर्म त्याने आयपीएल २०२६ (IPL 2026) मध्येही कायम ठेवला. आयपीएलमध्ये त्याने २३७.३० च्या अद्भूत स्ट्राईक रेटने तब्बल ७७६ धावा कुटल्या आणि निवडकर्त्यांना विचार करण्यास भाग पाडले.
टीम इंडियाचे मुख्य निवडकर्ता अजित आगरकर पत्रकार परिषदेत बोलताना म्हणाले की, वैभव सूर्यवंशीच्या दमदार कामगिरीमुळे निवडकर्त्यांसमोर त्याला संघात घेण्याशिवाय दुसरा पर्यायच उरला नव्हता. वैभवच्या कामगिरीने आम्हाला त्याला निवडायला एकप्रकारे भागच पाडले. मला माहीत आहे की तो खूप लहान आहे; पण लागोपाठ दोन आयपीएल सीझन आणि अंडर-१९ स्तरावर त्याने जे काही केले आहे, ते स्वतःच सर्वकाही सांगून जाते. त्याच्यामध्ये किती मोठी गुणवत्ता आहे, हे आपण सर्वजण पाहू शकतो."
आता भविष्यात वैभव समोर आणखी कठीण आव्हाने असतील, पण त्याने उत्कृष्ट खेळ आणि संयम दाखवला आहे. जितक्या अपेक्षा इतरांना आहेत, तितक्याच आम्हांलाही आहेत. त्याने आपल्या कामगिरीच्या जोरावर स्वतःची जागा निर्माण केली आहे."
श्रेयस अय्यर (कर्णधार), अभिषेक शर्मा, संजू सॅमसन, इशान किशन, शिवम दुबे, टिळक वर्मा (उपकर्णधार), नितीश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवी बिश्नोई, मोहम्मद सिराज, हर्षित राणा, अर्शदीप सिंग, प्रिन्स यादव, वैभव सूर्यवंशी.
श्रेयस अय्यर (कर्णधार), संजू सॅमसन, इशान किशन, शिवम दुबे, टिळक वर्मा, नितीश कुमार रेड्डी, अक्षर पटेल, वॉशिंग्टन सुंदर, वरुण चक्रवर्ती, रवी बिश्नोई, हर्षित राणा, अर्शदीप सिंग, वैभव सूर्यवंशी, जसप्रीत बुमराह.