IPL 2026 Live Streaming TV Channels Jiohotstar How To Watch: क्रिकेट चाहत्यांची प्रतीक्षा अखेर संपली आहे. Indian Premier League 2026 चा 19वा हंगाम आजपासून सुरू होत असून पहिल्याच सामन्यात Royal Challengers Bengaluru आणि Sunrisers Hyderabad आमनेसामने येणार आहेत. हा सामना बेंगळुरूच्या एम. चिन्नास्वामी स्टेडियम येथे खेळला जाणार आहे.
या हंगामात पुन्हा एकदा विराट कोहली मैदानावर उतरणार असल्याने चाहत्यांमध्ये प्रचंड उत्सुकता आहे. त्याचबरोबर अभिषेक शर्मा, ईशान किशन आणि ट्रॅव्हिस हेड यांसारख्या आक्रमक फलंदाजांच्या खेळीचीही सर्वांना प्रतीक्षा आहे.
या वर्षी IPL मध्ये एकूण 10 संघ सहभागी होत आहेत. लीग स्टेजमधील 70 सामने 24 मेपर्यंत खेळले जाणार आहेत. बहुतेक सामने सायंकाळी 7:30 वाजता सुरू होतील, तर टॉस 7 वाजता होईल. डबल हेडर असलेल्या दिवशी पहिला सामना दुपारी 3:30 वाजता होईल.
ज्यांना कुटुंबासोबत मोठ्या स्क्रीनवर सामना पाहायचा आहे, त्यांच्यासाठी TV हा सर्वोत्तम पर्याय आहे. IPL 2026 चे सामने Star Sports नेटवर्कवर थेट प्रक्षेपित केले जाणार आहेत. स्टार स्पोर्ट्स 1, स्टार स्पोर्ट्स 1 हिंदी, तमिळ, तेलुगू आणि कन्नड चॅनेल्सवर विविध भाषांमध्ये समालोचनासह सामने पाहता येतील.
ज्यांना प्रवासात किंवा कामाच्या वेळेत सामना पाहायचा आहे, त्यांच्यासाठी मोबाईल हा उत्तम पर्याय आहे. IPL 2026 चे सर्व सामने JioHotstar अॅप आणि वेबसाइटवर लाईव्ह स्ट्रीमिंगद्वारे पाहता येणार आहेत.
या हंगामात चेन्नई सुपर किंग्स, दिल्ली कॅपिटल्स, गुजरात टायटन्स, कोलकाता नाइट रायडर्स, लखनऊ सुपर जायंट्स, मुंबई इंडियन्स, पंजाब किंग्स, राजस्थान रॉयल्स, रॉयल चॅलेंजर्स बेंगळुरू आणि सनराइजर्स हैदराबाद हे संघ खेळणार आहेत.