विवेक कुलकर्णी
संपूर्ण जगाचा श्वास रोखून धरणारा आणि कोट्यावधी क्रीडाप्रेमींचे डोळे ज्या क्षणाची आतुरतेने वाट पाहत होते, त्या 'फिफा वर्ल्ड कप 'चा महासंग्राम आजपासून मेक्सिको, कॅनडा व अमेरिका या तीन देशांत रंगणार आहे. मैदानावर फुटबॉलचा थरार आणि प्रेक्षकांमध्ये विजयाचा ज्वर निर्माण करणाऱ्या या स्पर्धेवर अवध्या जगाचे लक्ष असणार आहे.'फिफा वर्ल्ड कप 'च्या थराराला सुरुवात होत असताना फुटबॉल विश्वचषकाच्या इतिहासातील काही अविस्मरणीय विक्रमांची चर्चा रंगली आहे. त्यात सर्वात जलद गोलचा विक्रम विशेष मानला जातो. आता यामागील 5 भन्नाट गोष्टी जाणून घेऊया.
एकाच सामन्यात सर्वाधिक गोल
ओलेग सार्लेको
सामना : रशिया ६-१ कॅमेरुन
गोल: ५ (१५, ४१, ४४,
७३ व ७५ वे मिनिट
एकाच विश्वचषकात सर्वाधिक गोल
जस्ट फौटेन (फ्रान्स)
गोल ६ सामन्यांत
१३ गोल
स्पर्धा : स्वीडन १९५८
1 चोरी झालेली ट्रॉफी अन् 'पिकल्स' कुत्रा
१९६६ च्या वर्ल्ड कपपूर्वी लंडनमध्ये प्रदर्शनातून 'फिफा'ची मूळ ट्रॉफी (ज्युल्स रिमे ट्रॉफी) चोरीला गेली होती. संपूर्ण लंडन पोलिस हवालदिल झाले असताना, 'पिकल्स' नावाच्या एका पाळीव कुत्र्याने ही ट्रॉफी एका बागेतील झाडाझुडपातून शोधून काढली होती.
2 अनवाणी खेळण्याचा हट्ट आणि भारताची माघार
१९५० च्या ब्राझील वर्ल्ड कपसाठी भारतीय फुटबॉल संघ पात्र ठरला होता. मात्र, तत्कालीन नियमांनुसार 'फिफा'ने खेळाडूंना अनवाणी (विना शूज) खेळण्यास नकार दिला. भारतीय खेळाडूंना बूट घालून खेळण्याची सवय नसल्यामुळे अखेर भारताने या स्पर्धेतून माघार घेतली होती.
3 अवघ्या ११ सेकंदांत गोल!
वर्ल्ड कपच्या इतिहासातील सर्वात वेगवान गोल करण्याचा विक्रम तुर्कीच्या 'हकान शुकुर' याच्या नावावर आहे. २००२ च्या वर्ल्ड कपमध्ये दक्षिण कोरिवाविरुद्धच्या सामन्यात त्याने सामना सुरू झाल्यापासून अवघ्या ११ व्या सेकंदाला गोल डागला होता.
4 लूझर ठरला 'लकी'
उरुग्वेमध्ये १९३० मध्ये झालेला पहिला वहिला फिफा वर्ल्ड कप जिंकणाऱ्या संघात 'हेक्टर कॅस्ट्रो' नावाचा खेळाडू होता. बालपणीच्या एका अपघातात त्याचा एक हात निकामी झाला होता, तरीही त्याने अंतिम सामन्यात गोल करून आपल्या देशाला विश्वविजेते बनवले होते.
5 एकाच सामन्यात चक्क १६ पिवळी कार्डे!
२००६ च्या वर्ल्ड कपमध्ये पोर्तुगाल विरुद्ध नेदरलैंड हा सामना फुटबॉल इतिहासातील सर्वांत हिंसका सामना ठरला, रशियन पंच व्हॅलेंटिन इव्हानोव्ह यांनी खेळाडूंना शांत करण्यासाठी तब्बल १६ पिवळी (Yellow) आणि ४ लाल (Red) कार्डे दाखवली होती. हा सामना 'बॅटल ऑफ नुरेस्बर्ग म्हणून ओळखला जातो.