Abhishek Sharma World Record:
भारताचा स्टार सलामीवीर अभिषेक शर्मा हा सध्या अनस्टॉपेबल झाला आहे. त्यानं टी २० क्रिकेटमध्ये धमाकूळ घातला असून पहिल्या सहा षटकात तो धडाकेबाज फलंदाजी करत मोठमोठे विक्रम प्रस्थापित करत आहे. भारत आणि ऑस्ट्रेलिया विरूद्धच्या पाचव्या अन् अंतिम टी २० सामन्यात देखील त्यानं चांगली फलंदाजी करत भारताला धावफलकावर पाच षटकात अर्धशतक झळकावण्यास हातभार लावला.
विशेष म्हणजे हा सामना फक्त ४.५ षटकांचाच झाला. पावसामुळं तो रद्द करावा लागला. तरी देखील अभिषेक शर्मानं एक मोठा विक्रम आपल्या नावावर केलाच! तो टी २० क्रिकेटमध्ये सर्वात वेगानं १००० धावा (balls faced) करणारा फलंदाज ठरला आहे. त्यानं या यादीत ऑस्ट्रेलियाच्या टीम डेव्हिडला मागं टाकलं. त्यानं त्याचं अव्वल स्थान हिसकावून घेतलं आहे.
याचबरोबर अभिषेक शर्मा हा टी २० क्रिकेटमध्ये डावांच्या बाबतीत सर्वात वेगानं १००० धावा पूर्ण करणारा पाचवा फलंदाज ठरला आहे. हे सर्व माईलस्टोन त्यानं ऑस्ट्रेलिया विरूद्धच्या पाचव्या सामन्यात पार केले.
अभिषेक शर्माने T20 आंतरराष्ट्रीय (T20I) सामन्यांमध्ये सर्वात जलद 1000 धावा पूर्ण करण्याचा विक्रम केला आहे. त्याने हा टप्पा गाठण्यासाठी केवळ 528 चेंडू घेतले आहेत. या यादीत दुसऱ्या क्रमांकावर डेव्हिड आहे, त्यानंतर भारताचा कर्णधार सूर्यकुमार यादव तिसऱ्या स्थानावर आहे.
हा आक्रमक सलामीवीर 28 डावांमध्ये 1000 धावांचा टप्पा गाठणारा दुसरा सर्वात जलद भारतीय फलंदाज ठरला आहे. या यादीत तो फक्त विराट कोहलीच्या मागे आहे.Abhishek Sharma World Record
सध्या सुरू असलेल्या भारत विरुद्ध ऑस्ट्रेलिया (IND vs AUS) T20I मालिकेत अभिषेकची कामगिरी चांगली झाली आहे.
मेलबर्न येथील दुसऱ्या T20I मध्ये त्याने सर्वोत्तम कामगिरी केली.
चार वेळा चांगली सुरुवात करूनही, आपल्या अति-आक्रमक दृष्टिकोनामुळे त्याला मोठ्या खेळीत रूपांतर करता आले नाही आणि तो लवकर बाद झाला.
या मालिकेत त्याची 68 धावांची खेळी सर्वात उल्लेखनीय आहे.
ही बातमी प्रकाशित करेपर्यंत, शर्माने 13 चेंडूंमध्ये 23 धावा केल्या आहेत, ज्यात एक षटकार आणि चार चौकारांचा समावेश आहे.
भारतीय कर्णधार सूर्यकुमार यादवने पुन्हा एकदा नाणेफेक गमावली आणि मिचेल मार्शने भारताला प्रथम फलंदाजीसाठी आमंत्रित केले. शुभमन गिल आणि शर्माने भारताला चांगली सुरुवात करून दिली, मात्र पॉवरप्ले संपण्याच्या अगदी आधी पावसामुळे सामना थांबवण्यात आला. पाऊस काही थांबला नाही त्यामुळं सामना रद्द करावा लागला.