मुंबई; पुढारी ऑनलाईन : मराठी सिनेसृष्टीतील नृत्य कलाकारांचे मराठी क्रिकेट लीग नुकतीच दिमाखात संपन्न झाली. स्वातंत्र्यदिनी ज्येष्ठ निर्माता-दिग्दर्शक महेश कोठारे यांच्या उपस्थितीत नृत्य कलाकारांचे मराठी क्रिकेट लीग उत्साहात पार पडले.
लीगमध्ये नृत्य दिग्दर्शक आणि नृत्य कलाकारांच्या १३ संघांचा समावेश होता. 'शेलार मामा फॉउंडेशन'च्या सहकार्याने रंगलेल्या या स्पर्धेत नृत्य दिग्दर्शक सुभाष नकाशे यांचा संघ विजयी ठरला.
नृत्यदिग्दर्शिका फुलवा खामकर यांचा संघ उपविजेता ठरला.
कोविड काळानंतर प्रथमच मोठ्या प्रमाणात भव्य स्पर्धेचे आयोजन करण्यात आले. या लीगसाठी निर्माती श्रेया योगेश कदम यांची उपस्थिती सर्व कलाकारांना मार्गदर्शक राहिली.
अभिनेता सुशांत शेलार यांचे मोलाचे सहकार्य या स्पर्धेला लाभले. या कठीण काळात या सर्व नर्तकांना मदतीचा हात मिळावा यासाठीसुद्धा शेलार मामा फॉउंडेशनने पुढाकार घेतला.
गरजू नृत्य कलाकारांसाठी रेशन कीट उपलब्ध करून देण्यात आले.
केवळ कोरोना काळापुरती ही मदत नसून नृत्यकलाकारांना नेहमीच सहकार्य करीत राहील. तसेच त्यांच्या चांगल्या वाईट प्रसंगात सदैव त्यांच्या पाठीशी उभी राहील, असे अभिनेता सुशांत शेलार म्हणाले.
हेही वाचलं का?