थलपती विजय तामिळनाडूचे मुख्यमंत्री होणार! शपथविधीपूर्वी त्रिशा कृष्णन हिची गूढ पोस्ट व्हायरल

thalapathy vijay tvk chief tamil nadu cm trisha krishnan cryptic post viral dating rumours

पुढारी ऑनलाईन : पुढारी ऑनलाईन तामिळनाडू विधानसभा निवडणुकीचे निकाल लागून चार दिवस झाले असले तरी सरकार स्थापनेबाबत अद्यापही उत्सुकता कायम आहे. विधानसभा निवडणुकीत थलपथी विजय यांच्या टीव्हीके पक्षाने सर्वात मोठा पक्ष म्हणून समोर आला आहे. विजय यांनी लोकभवनात जाऊन राष्ट्रपतींची भेट घेतली. त्यामुळे चाहते त्यांना तामिळनाडूच्या मुख्यमंत्रीपदाच्या खुर्चीवर पाहण्यासाठी उत्सुक आहेत.

दरम्यान, त्यांच्या खासगी आयुष्याचीही जोरदार चर्चा सुरू आहे. विजय आणि अभिनेत्री त्रिशा कृष्णन यांच्या मैत्रीबाबत सोशल मीडियावर विविध चर्चा रंगल्या आहेत. अशातच अभिनेत्रीची एक गूढ पोस्ट व्हायरल झाली आहे.

त्रिशाची गूढ पोस्ट

त्रिशाने इन्स्टाग्रामवर एक फोटो शेअर केला. त्यात “blah blah”, “Yadda ya” आणि “dah dah” असे शब्द दिसत होते. हे शब्द पाठीमागे गॉसिप करणाऱ्यांना उद्देशून असल्याचे मानले जात आहे. तिने पोस्टला “IYKYK” (If You Know, You Know – जर तुम्हाला माहिती असेल, तर तुम्हाला समजेल) असे कॅप्शन दिले. सोशल मीडियावरील अनेकांनी ही पोस्ट तिच्या वैयक्तिक आयुष्याबद्दल सुरू असलेल्या अफवांना दिलेले उत्तर मानले आहे.

ही पोस्ट विजयसोबतच्या तिच्या कथित नात्याच्या चर्चांदरम्यान समोर आली आहे. अलीकडेच Rakhi Sawant हिनेही त्यांच्या नात्याबाबत भाष्य केले होते. एका पॉडकास्टमध्ये राखी म्हणाली, “मला वाटतं त्यांनी लग्न करावं. विजय आणि त्रिशाने लग्न केलं पाहिजे, आम्ही मेहंदीला नक्की येऊ.”

विजय यांच्या निवडणूक विजयानंतर त्रिशा राजकारणात प्रवेश करणार असल्याच्याही अफवा पसरल्या आहेत. अभिनेता ते राजकारणी असा प्रवास करणारे विजय आणि अभिनेत्री त्रिशा यांच्या नात्याच्या चर्चांना त्यांच्या ऑन-स्क्रीन केमिस्ट्रीमुळे सुरुवात झाली होती. गेल्या अनेक वर्षांपासून त्यांच्या सार्वजनिक कार्यक्रमांतील उपस्थिती आणि जुन्या मुलाखतींचे व्हिडिओ सोशल मीडियावर व्हायरल होत असतात. मात्र, विजय आणि त्रिशा यांनी या चर्चांवर अद्याप कोणतीही अधिकृत प्रतिक्रिया दिलेली नाही.

विजय यांच्या वैवाहिक आयुष्याबद्दल बोलायचे झाल्यास, त्यांनी २५ ऑगस्ट १९९९ रोजी त्यांची चाहती Sangeeta Sornalingam हिच्यासोबत विवाह केला होता. हिंदू आणि ख्रिश्चन अशा दोन्ही परंपरांनुसार त्यांचा विवाहसोहळा पार पडला. लग्नानंतर त्यांना एक मुलगा आणि एक मुलगी झाली. मात्र, काही वर्षांनंतर त्यांच्या नात्यात दुरावा निर्माण झाल्याच्या चर्चा सुरू झाल्या. सध्या विजय आणि संगीता हे घटस्फोट घेऊन वेगळे होणार असल्याची चर्चा रंगत आहे.