पुढारी ऑनलाईन डेस्क : मनी लॉड्रिंग प्रकरणी अटकेत असणार्या सुकेश चंद्रशेखर आणि त्याची पत्नी लीना मारियाची २६ कार जप्त करण्याचे आदेश पटियाला हाऊस कोर्टाने दिले आहेत. याप्रकरणी आज अभिनेत्री जॅकलीन फर्नांडीस दिल्लीच्या पटियाला हाऊस कोर्टात पोहोचली. जॅकलीनसोबत तिचे वकील प्रशांत पाटील, शक्ती पांडेदेखील उपस्थित होते. तसेच सुकेश चंद्रशेखरदेखील उपस्थित होता. न्यायालयात प्रथमचसुकेश चंद्रशेखर आणि जॅकलीन आमने-सामने उपस्थित होते.
न्यायालयाने 'ईडी'ला २०० कोटी रुपयांच्या मनी लॉन्ड्रिंगप्रकरणी सुकेशची पत्नी लीना मारिया पॉलशी संबंधित २६ कार ताब्यात घेण्याची परवानगी दिली आहे. जॅकलीन फर्नांडीसने २३ डिसेंबरपासून बहरीनचा प्रवास करण्याच्या परवानगीसाठी एक अर्ज दाखल केला आहे. कोर्टाने ईडीला २२ डिसेंबरपर्यंत याबाबत उत्तर देण्याचे निर्देश दिले आहेत. आता मनी लॉन्ड्रींग प्रकरणाची सुनावणी ६ जानेवारी, २०२३ पर्यंत टळली आहे.
हेही वाचा :