बिग बॉस मराठीच्या घरात सुरू असलेले "करूया आता कल्ला" टास्क झालय त्यामुळे आणि स्टार मिळविण्याच्या शर्यतीत बरेच मतभेद, गैरसमज आणि वादविवाद होताना दिसून आले. प्रत्येक विद्यार्थी सदस्य प्राध्यापक बनलेल्या सदस्यांना त्यांनी स्टार त्या व्यक्तीला वा त्यांच्या गटातील दुसर्या सदस्याला का द्यावे हे पटवून देण्याचा प्रयत्न करतो आहे. पण, या मध्येच दिलेला शब्द न पाळल्यामुळे सदस्यांमध्ये थोडीशी नाराजी झालेली दिसून येते आहे. संतोष चौधरी (दादूस) सोबत याचविषयावर तृप्ती देसाई आणि विशाल हे चर्चा करताना आज दिसणार आहेत. तृप्ती देसाई आणि विशाल दादूस (संतोष चौधरी) ला विचारताना दिसणार आहेत.
आपलं बोलणं झालं होतं ना तृप्ती ताईंना नाही विशालला स्टार द्यायचा. तुम्ही शब्द देऊ नका मग." तृप्ती देसाई म्हणाल्या, "तुम्ही असे शब्द दिले ना तर उद्या अवघड होईल तुमचं". त्यावर चौधरी यांचं म्हणण आहे, "मी माझ्या डोक्याने खेळतो कोणाच्या सांगण्यावरुन खेळत नाही आणि खेळणार पण नाही. आणि मला काही अवघड होणार नाही, मी कोणाला घाबरत नाही. मी माझ्या मनाचा राजा आहे".
तृप्ती देसाई म्हणल्या, "तसं नाही बोलत आहे आम्ही. मी सुध्दा इथे पण नाही, तिथे पण नाही. पण निर्णय घेताना मी ठाम असते की कोणाला मत द्यायचं. अशामुळे तुम्हाला आपलं मानणारी मतं पुढे बदलू शकतील." आता पुढे अजून काय चर्चा होणार ? चौधरींना विशाल आणि तृप्ती यांचा मुद्दा कळेल का ? आज बघूया बिग बॉस मराठी सिझन तिसरा रात्री ९.३० वा. कलर्स मराठीवर.