पुढारी ऑनलाईन डेस्क : पंकज त्रिपाठीचा ड्रामा सीरीज क्रिमिनल जस्टीस ४ ची घोषणा करण्यात आलीय. माधव मिश्रा बनून सर्वांची बोलती बंद करायला पंकज त्रिपाठी येतोय. आधीचे या सीरीजचे तिन्हीही भाग खूप हिट ठरले आहेत. माधव मिश्रा एक नव्या ट्विस्टसह नवी कहाणी घेऊन येत आहे. 'क्रिमिनल जस्टिस ४' च्या नव्या व्हिडिओमध्ये माधव मिश्राचा नवा आणि दबंग अंदाज पाहायला मिळत आहे.
कोर्टरूम ड्रामा 'क्रिमिनल जस्टिस'च्या चौथ्या सीझनची पहिली झलक समोर आली आहे. तुम्ही इन्स्टाग्रामवर हा व्हिडिओ पाहू शकता. यावेळी माधव मिश्रा एक आणखी गुंतागुंतीचा खटला लढताना दिसणार आहे. पंकज त्रिपाठीचे फॅन्स आगामी पार्टचे उत्सुकतेने वाट पाहत आहेत. क्रिमिनल जस्टिसचे शेवटचे ३ सीझन लोकांना इतके आवडले की, प्रेक्षक त्याच्या नवीन सीझनची आतुरतेने वाट पाहत होते. आता डिस्ने प्लस हॉटस्टारने 'क्रिमिनल जस्टिस ४' चा पहिला व्हिडिओ शेअर केला आहे.
'क्रिमिनल जस्टिस ४' मधील पंकज त्रिपाठीच्या अभिनयाचे सोशल मीडियावर फॅन्स कौतुक करत आहेत. निर्मात्यांनी क्रिमिनल जस्टिस ४ ची रिलीज डेट शेअर केलेली नाही.
पंकज त्रिपाठी स्टारर हा टीझर शेअर करताना डिस्ने प्लस हॉटस्टारने कॅप्शनमध्ये लिहिले आहे की, 'कोर्ट सुरू आहे आणि नवीन सीझनची तयारीही सुरू आहे, माधव मिश्रा हॉटस्टार स्पेशल क्रिमिनल जस्टिसच्या नवीन सीझनसह येत आहे!' 'क्रिमिनल जस्टिस'चा पहिला सीझन २०१८ मध्ये, दुसरा २०२० मध्ये आणि तिसरा सीझन २०२२ मध्ये रिलीज झाला होता.
हेदेखील वाचा –