Mukesh Khanna Samay Raina: या वर्षाच्या एप्रिल महिन्यात कॉमेडियन समय रैनाने अभिनेता मुकेश शर्मावर त्याच्या इंडिया गॉट लेटेंट या शोमध्ये टीका केली होती. समय रैनाच्या या वक्तव्यावर मुकेश खन्नाने देखील टीका करत हा शो अश्लील असल्याचं म्हणत समय रैनाची गाढवावरून धिंड काढायला पाहिजे असे वक्तव्य केलं होतं.
सार्वजनिकरित्या जरी हे दोघे एकमेकांवर टीका अन् चिखलफेक करत असले तरी ज्यावेळी पैशाचा विषय आला त्यावेळी हे दोघे गळ्यात गळे घालून काम करताना दिसत आहे. या दोघांनी नुकतेच एक जाहिरात केली असून त्यावरून त्यांच्यावर मोठी टिका होत आहे. नेटकऱ्यांना या जाहिरातीमुळे मोठा धक्का बसला आहे. नेटकऱ्यांनी हे व्यावसायिक एकत्र येणं मान्य नाही असं सांगितलं.
सोमवारी समय रैनाने आपल्या इन्स्टाग्रामवर या जाहिरातीचा व्हिडिओ टाकला. ही जाहिरात एका स्मार्टफोनची असून यात शक्तीमान फेम मुकेश खन्ना देखील आहे. या जाहिरातीच्या व्हिडिओत समय स्मार्टफोनवर कोणशीतरी बोलत असतो. तो म्हणतो की थँक यू यार हा शो पुन्हा सुरू झाला. अंधकार कायम रहात नाही. असं समय म्हणतो तेवढ्यात शक्तीमान आपल्या गिरक्या घेत तिथं येतो.
त्यावेळी समय त्याला तुम्ही माझ्या छतावर काय करत आहात असं विचारतो त्यावर शक्तीमान तुझी वाकडी झालेली शेपटी सरळ करायला आलो आहे असं म्हणतो. शक्तीमान त्याला तीन एफआयआर झाले तरी तू सुधरला नाहीस. तुझं तोंड काळं करायला पाहिजे असं म्हणतो. त्यानंतर तुमच्यावर देखील तोंड काळं केल म्हणून एक एफआयआर दाखल होणार ना असं उत्तर देतो.
अशी ही त्यांची एकमेकांची खेचाखेची करणारी ही जाहिरात नेटकऱ्यांना काही पसंतीस उतरलेली नाही. एका नेटकऱ्याने हा कोलॅब अजिबात मान्य नाही असं लिहिलं तर दुसऱ्याने अरे हे दोघे एकत्र येतील असा कोणी विचार देखील केला नसेल.
अनेकांनी मुकेश खन्ना यांच्यावर टीका केली आहे. एका युजरने तर शक्तिमान विकाल गेला आहे अशी प्रतिक्रिया दिली. तर दुसऱ्याने समय रैनासोबतचा वाद तुमच्या बँक बॅलेन्ससाठी चांगला आहे. समयने त्याच्या सर्व टीकाकारांसोबत काम करायाल सुरूवात केली आहे. दुसऱ्याने शक्तीमानची नियत बदलली असं लिहिलं आहे.