अभिनेते विजय पाटकर ‘मिशन मुंबई’ या नव्या मराठी चित्रपटातून प्रेक्षकांच्या भेटीला येणार आहेत. थरार आणि रहस्याने भरलेली ही कथा असल्याचे सांगितले जात आहे. चित्रपटाच्या घोषणेनंतर प्रेक्षकांमध्ये याबाबत उत्सुकता वाढली आहे.
अभिनेते विजय पाटकर यांच्या “मिशन मुंबई” ॲक्शन चित्रपटाचे पोस्टर प्रदर्शित करण्यात आले. सोशल मीडियावर या पोस्टरची चर्चा होताना दिसतेय. हा एक ॲक्शन चित्रपट असेल. रविकांता फिल्म्स निर्मित व अकात डिस्ट्रीब्यूशन प्रस्तुत “मिशन मुंबई” या चित्रपटाचे मुंबईत प्रदर्शित करण्यात आले. नुकत्याच झालेल्या पोस्टर अनावरण सोहळ्याला कलाकार, चित्रपटाची टीम, मान्यवर उपस्थित होते.
मुंबईत झालेल्या बॉम्बस्फोटवर तसेच मुंबईत आलेल्या आरडीएक्सवर आधारीत हा चित्रपट आहे. मिशन मुंबईमध्ये अनेक ॲक्शन दृश्ये आहेत. या चित्रपटात मुख्य कलाकार आनंद जोग, विजय पाटकर यांच्यासमवेत अजॉय शर्मा हे आहेत. चंद्रकांत विसपुते आणि कैलास पवार यांनी दिग्दर्शन केले असून कथा चंद्रकांत विसपुते यांची आहे.
“मिशन मुंबई” चित्रपटात प्रमुख भूमिकेत सुप्रसिद्ध अभिनेता अजय शर्मा असून विजय पाटकर, आनंद जोग, सुरेखा कुडची हे कलाकार प्रमुख भूमिकेत असतील, शिवाय ओम राणे, संकेत मोरे, प्रशांत, सिद्धेश आचरेकर शांती बावकर, अश्विनी तेंडुलकर, विपुल भोईर, राहुल कानाडोल, लक्ष्मी निवृत्ती पंधे, किरण चव्हाण हे कलाकार देखील या चित्रपटात असणार आहेत.
चित्रपट पोस्टर अनावरण सोहळ्याला अभिनेता अजॉय शर्मा, ओम राणे, संकेत मोरे, प्रशांत कराड, सिद्धेश आचरेकर, राहुल कानाडोल, लक्ष्मी निवृत्ती पंधे, किरण चव्हाण, फाईट मास्टर फय्याज सय्यद शांती बावकर, अश्विनी तेंडुलकर, विपुल भोईर, तसेच दिग्दर्शक कैलाश पवार आणि चंद्रकांत विसपुते, दिग्दर्शक शिरीष राणे यांची उपस्थिती होती.
रविकांता फिल्म्स निर्मित व अकात डिस्ट्रीब्यूशन प्रस्तुत ‘मिशन मुंबई’ या चित्रपटाचे दिग्दर्शन कैलाश पवार आणि चंद्रकांत विसपुते यांनी केले आहे. चित्रपटाची कथा चंद्रकांत विसपुते यांची असून पटकथा व संवाद मच्छिंद्र कदम यांचे आहेत. छायाचित्रण नंदलाल चौधरी यांचे असून मेकअप किशोरजी पिंगळे हे करत आहेत. संगीताची धुरा समीर खोले सांभाळत असून फाइट मास्तर फय्याज सय्यद हे फाइटिंग एक्शनचा भाग करत आहेत. मिशन मुंबई चित्रपट लवकरच प्रेक्षकांच्या भेटीला येणार आहे.