पुढारी ऑनलाईन डेस्क - 'कैदी बँड' फेम अभिनेता आदर जैन लवकरच बोहल्यावर चढणार आहे. त्याने गर्लफ्रेंड अलेखा आडवाणीला रोमँटिक अंदाजात लग्नासाठी प्रपोज केलं. त्यांच्या साखरपुड्याचे फोटो समोर आले आहेत. आदर जैन आणि अभिनेत्री तारा सुतारिया यांचा मागील वर्षी ब्रेकअप झाला होता.
आदर जैन - अलेखा आडवाणीचे फोटो इन्स्टाग्रामवर पाहायला मिळतात. आदरने समुद्र किनारी अलेखाला प्रपोज केलं. सोबत 'Marry Me' (माझ्याशी लग्न करशील) असा संदेश लिहिला होता. चेक्ड ब्लू-व्हाईट आऊटफिटमध्ये त्याने अलेखाला प्रपोज केले. गर्लफ्रेंडला अंगठी देखील घातली. यावेळी तिने यलो कलर आऊटफिट परिधान केला होता.
हे फोटो शेअर करत जैनने सांगितले की, अलेखा त्याची पहिली क्रश आणि बेस्ट फ्रेंड आहे. कॅप्शनमध्ये त्याने लिहिलंकी, "माझी पहिली क्रश, माझी बेस्ट फ्रेंड आणि फॉरएव्हर." त्याने अंगठी आणि हार्ट इमोजी देखील शेअर केलीय. आदरच्या साखरपुड्यानंतर चुलत बहिण रिद्धिमा कपूर, करीना कपूर खान, करिश्मा कपूर, अंशुला कपूर आणि शनाया कपूरसह अनेक सेलिब्रिटीजनी अभिनंदन केले आहे.
आदर जैन आधी तारा सुतारियाला डेट केलं होतं. दोघांनी आपले रिलेशनशिप २०२० मध्ये जाहीर केले होते. तारा प्रत्येक सणाला खास औचित्याने जैन वा कपूर परिवारात स्पॉट व्हायची, पण २०२३ मध्ये तारा-आदर यांच्या ब्रेकअपच्या वृत्ताने तिच्या फॅन्सला धक्का बसला.