रॅपर बादशाहचे ‘टटीरी’ हे गाणे रिलीज झाल्यानंतर त्यावरून वाद निर्माण झाला. गाण्याच्या बोलांवर आक्षेप घेत काहींनी टीका केल्यानंतर हा मुद्दा सोशल मीडियावर ट्रेंड झाला. या वादाच्या पार्श्वभूमीवर बादशाहने एक व्हिडिओ शेअर करत आपले स्पष्टीकरण दिले आहे. त्यात त्याने आपल्या गाण्याचा हेतू चुकीचा नसल्याचे सांगितले असून हा व्हिडिओ सध्या इंटरनेटवर मोठ्या प्रमाणात व्हायरल होत आहे.
प्रसिद्ध रॅपर बादशाह सध्या त्याच्या ‘टटीरी’ या नवीन गाण्यामुळे चर्चेत आला आहे. गाणे रिलीज होताच ते सोशल मीडियावर वेगाने व्हायरल झाले आणि चाहत्यांकडून मोठ्या प्रमाणात प्रतिसादही मिळाला. मात्र या गाण्यातील काही शब्दांमुळे आता बादशाहला वादाला सामोरे जावे लागत आहे.
प्रसिद्ध रॅपर बादशाहचे ‘टटीरी’ हे नवीन गाणे रिलीज झाल्यानंतर मोठ्या वादाला तोंड फुटले. गाणे सोशल मीडियावर वेगाने व्हायरल झाले असले तरी त्यातील काही शब्दांवर आक्षेप घेत अनेकांनी टीका केली. या वादाच्या पार्श्वभूमीवर अखेर बादशाहने आपली भूमिका स्पष्ट केली आहे.
गेल्या काही दिवसांपासून ‘टटीरी’ गाण्याविषयी सोशल मीडियावर चर्चा सुरू होती. काही वापरकर्त्यांनी गाण्याच्या बोलांवर नाराजी व्यक्त केली आणि त्यावर प्रश्न उपस्थित केले. या वाढत्या वादामुळे हा मुद्दा ट्रेंडमध्ये आला.
दरम्यान, या वादानंतर बादशाहने एक व्हिडिओ शेअर करत आपले स्पष्टीकरण दिले. या व्हिडिओमध्ये त्याने सांगितले की गाण्याचा हेतू कोणाचाही अपमान करण्याचा नव्हता. त्याने स्पष्ट केले की, गाणे मनोरंजनाच्या दृष्टीने तयार करण्यात आले असून कोणालाही दुखावण्याचा उद्देश नव्हता.
व्हिडिओच्या माध्यमातून बादशाहने दिले स्पष्टीकरण
त्याने इन्स्टाग्राम स्टोरीवर एक व्हिडिओ शेअर केला आहे. ज्यामध्ये त्याने म्हटलंय की-'नमस्ते, मी आहे बादशाह. माझे नवे गाणे टटीरी रिलीज झाले आहे. त्यातील लिरिक्स, व्हिज्युअल रिप्रेझेंटेशनमुळे काही लोकांना आणि हरियाणातील लोकांच्या भावना दुखावल्या आहेत. मी स्वत: हरियाणाचा आहे. माझे खानपान..राहणीमान, बोली सगळं हरियाणवी आहे आणि मला त्याचा अभिमान आहे. माझी ओळख हरियाणवी आहे. माझा कधीही कुठलाही उद्देश नव्हता की, मी हरियाणाच्या कुठल्याही मुले, महिलांबद्दल आक्षेपार्ह बोलायचा. कुणाचेही मन दुखावण्याचा अजिबात हेतू नव्हता.'
मीडिया रिपोर्टनुसार, पंचकुला येथील सेक्टर २० येथील सायबर क्राईम पोलिस स्टेशनमध्ये रॅपर बादशाहविरुद्ध एफआयआर दाखल करण्यात आल्याची माहिती समोर येतेय. चंडीमंदिर येथील रहिवासी अभय चौधरी यांनी बादशाहविरुद्ध तक्रार दाखल केल्याचे म्हटले जात आहे. तक्रारीत म्हटले आहे की गाण्यात अश्लील शब्द आणि दृश्ये आहेत, ज्यावर हरियाणा महिला आयोगाने आक्षेप घेतला आहे.
तक्रारीत काय म्हटलंय?
तक्रारीनुसार, बादशाहच्या अधिकृत यूट्यूब चॅनेलवर प्रसिद्ध झालेल्या या गाण्यामध्ये आणि त्याच्या व्हिडिओमध्ये शाळेच्या गणवेशातील मुलींचे आक्षेपार्ह भाषा, दृश्ये आहेत. तक्रारदाराचा असा दावा आहे की हे अत्यंत आक्षेपार्ह आहेत.
हरियाणा महिला आयोगने पाठवले समन
हरियाणा महिला आयोगाने या प्रकरणाचीही दखल घेतली आहे. हे गाणे १ मार्च, २०२६ रोजी रिलीज झाला होता. हरियाणा राज्य महिला आयोगाने त्याला समन जारी केले आहे. बादशाहवर "टटीरी" या गाण्यात हरियाणवी मुलींना बसच्या गणवेशात बसवर नाचायला लावल्याचा, त्यांच्या शाळेच्या बॅगा फेकल्याचा आणि त्यांच्याविरुद्ध अपशब्द वापरल्याचा आरोप आहे. त्याला १३ मार्च रोजी आयोगासमोर हजर राहण्यास सांगण्यात आले आहे.