पुढारी ऑनलाईन डेस्क - टायगर श्रॉफ ॲक्शन फ्रेंचायझी बाघी ४ मधून परत येतोय. ॲक्शन चित्रपट बाघी ४ चे शूटिंग सुरु झाले असून साजिद नाडियाडवाला हा चित्रपट आणत आहे.
टायगर श्रॉफ मुख्य भूमिकेत असून हा चित्रपट ५ सप्टेंबर, २०२५ रोजी चित्रपटगृहात रिलीज होणार आहे. रिलीजची तारीख आणि शूटिंग सुरू झाल्याची घोषणा करत एक दमदार नवे पोस्टर जाहिर करण्यात आले आहेत. यापूर्वी कधीही न पाहिलेला टायगरचा अवतार नव्या लूकमध्ये असणार आहे. बजरंगी, वेदा सारखे चित्रपटांसाठी प्रसिद्ध ए. हर्षा यांच्या दिग्दर्शनाखाली हा चित्रपट येतोय.
बागी सीरीजने बॉक्स ऑफिसवर जगभरात ५०० कोटी रुपयांहून अधिक कमाई केली आहे. आता चौथी फ्रेंचायजी काय कमाल दाखवते, हे पाहणे खूपच रंजक ठरणार आहे.