पुणे : राष्ट्रवादीचे अध्यक्ष शरद पवार यांना ट्विटरवरुन जीवे मारण्याची धमकी आल्यानंतर त्यांच्या सुरक्षेत वाढ करण्यात आली असून त्यांच्या पुण्यातील घराबाहेर सुरक्षा वाढवण्यात आली आहे. त्यांच्या घराबाहेर मोठा पोलीस बंदोबस्त तैनात करण्यात आला आहे. तुमचा दाभोळकर होणार, असा मजकूर या ट्वीटमध्ये लिहिलं असून 'राजकारण महाराष्ट्राचे' असं या ट्विटर हँडलचं नाव आहे.
मात्र हे ट्विटर हँडल कोणती व्यक्ती चालवत आहे. हे अद्याप स्पष्ट होऊ झालेलं नाही. या प्रकरणाचं गांभीर्य लक्षात घेता शरद पवार यांच्या घराबाहेर आणि मोदी बाग परिसरात तातडीने मोठा पोलीस बंदोबस्त तैनात करण्यात आला आहे. त्यांच्या घराबाहेर महिला पोलीस फाटा देखील आहे. शिवाय कोणताही अनुचित प्रकार घडू नये, यासाठी पोलिसांकडून खबरदारी घेतली जात आहे.
पुण्यातील पवारांच्या घरी अनेक बैठका आणि भेटीगाठी होत असतात. रोज अनेक नागरिक किंवा कामकाजासाठी नेतेमंडळी त्यांच्या घरी येत असतात. मात्र शरद पवार यांना ट्विटरच्या माध्यमातून जीवे मारण्याची धमकी देण्यात आल्यानंतर त्यांच्या घरी आणि परिसरात आज कोणालाही येऊ दिलं जात नाही. फक्त राष्ट्रवादीच्या स्थानिक नेत्यांनाच त्यांच्या घराच्या परिसरात थांबू दिलं जात आहे.
हेही वाचा