श्रीनगर; पुढारी वृत्तसेवा : जम्मू-काश्मीरमध्ये 22 ते 24 मेदरम्यान 'जी 20' समूहाची बैठक होत असल्याच्या पार्श्वभूमीवर खोर्यात चिरेबंदी सुरक्षा तैनात करण्यात आली आहे. दहशतवाद वाढत चालल्यामुळे गेल्या पस्तीस वर्षांत प्रथमच तेथे नॅशनल सिक्युरिटी गार्ड म्हणजेच 'एनएसजी'चे कमांडो तैनात करण्यात आले आहेत. दुसरीकडे, श्रीनगरमधील प्रसिद्ध दल सरोवराला नौदलाच्या मार्कोस कमांडोंनी वेढा दिला आहे. (Jammu Kashmir)
येथील लाल चौकात सर्व प्रकारच्या वाहनांची कडक तपासणी या कमांडोंकडून केली जात आहे. एनएसजी, नौदल, लष्कर आणि स्थानिक पोलिस अशी त्रिस्तरीय सुरक्षाव्यवस्था 'जी 20' परिषदेच्या बैठकीआधी उपलब्ध करण्यात आली आहे. याचे एकमेव कारण म्हणजे वाढता दहशतवाद. नौदलाचे मार्कोस कमांडा ेदल सरोवरात स्पीड बोटींद्वारे अहोरात्र गस्त घालत आहेत. (Jammu Kashmir)
लाल चौकातील एक दुकानदार मेहराज अहमद यांनी सांगितले की, आतापर्यंत मी कधीच 'एनएसजी'चे कमांडो काश्मीर खोर्यात आलेले पाहिलेले नाहीत. हे सगळे पहिल्यांदाच घडत असल्याने मनात किंचित भीतीची भावना दाटून आली आहे. (Jammu Kashmir)
श्रीनगर आणि गुलमर्गकडे जाणार्या रस्त्यांना तर पोलिस छावणीचे स्वरूप आले आहे. तिथे जागोजागी वाहनांची आणि संशयास्पद वावरणार्या व्यक्तींची कसून तपासणी केली जात आहे. आगामी 'जी 20' बैठक निर्विघ्न पार पडावी, यासाठी सर्वतोपरी खबरदारी घेतली जात आहे.
काही दिवसांपूर्वी जवानांच्या वाहनांवर स्फोटकांद्वारे दहशतवाद्यांनी हल्ला केला होता. त्यानंतर सीमेपलीकडून ड्रोनही सोडले जात आहेत. त्यामुळे पोलिस कोणताही धोका पत्करण्यास तयार नाहीत.
आगामी 'जी 20' बैठक सुरळीत पार पडणे, हे आमच्यासमोरील मोठे आव्हान आहे. त्यामुळे संपूर्ण काश्मीर खोर्यात आम्ही कडेकोट बंदोबस्त ठेवला आहे.
– विजय कुमार, काश्मीर विभागाचे पोलिस महासंचालक
अधिक वाचा :