सोलापूर; अंबादास पोळ : रंगपंचमी हा एक सण फाल्गुन कृष्ण पंचमी या तिथीला साजरा केला जातो. धुलिवंदनापासून सुरू होणाऱ्या वसंतोत्सवाला रंगपंचमीच्या दिवशी पाच दिवस पूर्ण होतात. रंगपंचमी म्हणजे रंगांचा सण. या दिवशी एकमेकांना वेगवेगळे रंग लावून आनंदोत्सव साजरा केला जातो. रंगपंचमीच्या दिवशी सामान्यतः लोकांना लाल, गुलाबी, केशरी, पिवळ्या रंगांनी होळी खेळायला आवडते. राशीनुसार ठरवून दिलेल्या रंगांसोबत या रंगांचा वापर केल्यास जीवनात आनंदाचा वर्षाव होतो, असे ज्योतिष पुंडलिक माधवराव जोशी यांनी सांगितले. (Rang Panchami 2023)
या रंगांचा वापर होळीचा सण प्रेमाने, आनंदाने आणि उत्साहाने साजरी करण्यासाठी केला पाहिजे. (Rang Panchami 2023)
राशीनुसार हे रंग टाळा….
रंगपंचमी मध्ये नैसर्गिक रंगाला पसंती..
रासायनिक रंगांचे दुष्परिणाम पाहता नैसर्गिक रंग वापरून हा दिवस साजरा करण्याचे प्रमाणही अलीकडील काळात वाढलेले दिसून येते. या दिवशी लोक भरपूर रंग खेळून आनंद अनुभवतात. फुलांच्या पाकळ्या, मेहंदी, गुलमोहराची पाने, टोमॅटो, हळद, डाळीचे पीठ,हळद, बीट अशा नैसर्गिक पदार्थांपासून रंग तयार केले जातात.
रंगपंचमीचे महत्व..
रंगपंचमी हा वसंत ऋतूशी संबंधित महत्त्वाचा सण आहे. उन्हाळ्याच्या सुरुवातीला हा सण साजरा केला जातो. उन्हाचा तडाखा कमी व्हावा आणि थंडावा मिळावा यासाठी एकमेकांच्या अंगावर पाणी उडविण्याची रीत आहे. ती कालांतराने बदलत जाऊन पाण्यासोबत रंगाचा वापर करून रंगपंचमी साजरी केली जाते.
अधिक वाचा :