पिंपरी: एसटी महामंडळाकडून पर्यटन, लग्नसमारंभ, धार्मिक यात्रा व खासगी कार्यक्रमासाठी एसटी बस भाड्याने दिली जाते. यामध्ये महामंडळाने प्रति किमी २० रुपयापर्यंत वाढ केली आहे. त्यामुळे याचा फटका सर्वसामान्य नागरिकांसोबत सामाजिक कार्यक्रमांसाठी एसटी बुक करणाऱ्यांना होणार आहे.
एसटीच्या एकेरी फेरीसाठी तब्बल ३० ते ३५ टक्क्यांहून अधिक दराने दर आकारणी केली जाणार आहे. याशिवाय किमान आकारणी, बस रद्द करण्याचे शुल्क, मुक्कामाचा दंड आणि अनामत रकमेच्या नियमांतही बदल करण्यात आले आहेत. मात्र, शैक्षणिक संस्थांना सहलींसाठी मिळणारी ५० टक्के सवलत पुढेही कायम ठेवण्यात आली आहे.
नियमित प्रवासी भाडेवाढ झाल्यानंतर आता प्रासंगिक कराराच्या दरांमध्येही त्या प्रमाणात सुधारणा करण्यात आली आहे. लग्न समारोह, धार्मिक यात्रांसाठी ऑनलाइन व ऑफलाइन पध्दतीने एसटी आरक्षित करता येते. तसेच शाळा-महाविघालयांच्या सहलींसाठी ५० टक्के सवलत कायम आहे.
पर्यटन, लग्नसमारंभ, धार्मिक यात्रा व खासगी कार्यक्रमासाठी एसटी भाड्याने दिली जाते. महामंडळाने यामध्ये सध्या प्रति किमी २० रुपयापर्यंत वाढ केली आहे.वैशाली काबंळे, आगार प्रमुख, वल्लभनगर