पिंपरी: पेथील लालबहादूर शास्त्री भाजी मंडईत रविवारी (दि. 3) आवक वाढल्याने भाज्या स्वस्त झाल्या आहेत. सासवडवरून डिंगर्या (मुळ्यांच्या शेंगा) ची मोठ्या प्रमाणात आवक झाली आहे. डिंगरी 100 रुपये किलो दराने विक्री केली जात होती; तसेच कर्टुली 280 ररुपये किलो दराने विक्री केली जात होती.
वाटाणा, गवार शंभर रूपये किलो दराने विक्री केली जात आहे. गेल्या आठवड्यात मिरचीचा दर 100 रूपये किलो होता, तर रविवारी 60 रूपये किलो दर होता. पालेभाज्या स्वस्त झाल्या आहेत. पालेभाज्यांची जुडी 10 ते 15 रूपये दराने विक्री केली जात आहे. टोमॅटोचे दर 20 ते 25 रूपये वरून 50 रूपये किलो झाले आहेत. मालाची आवक वाढल्याने सर्व भाज्यांचे दर उतरले आहेत. (Latest Pimpri News)
कांदे आणि बटाटे यांचे भाव मात्र स्थिर आहेत. शंभर रूपयांना पाच किलो कांदे व बटाटे विक्री केली जात आहे. फळभाज्यांचे दर कमी झाले आहेत. कोथिंबीरची जुडी 10 - 15 रूपये तर पालेभाज्या 10 - 15 रूपये जुडी होत्या. फळभाज्यांमध्ये वांगी, दोडका, फ्लॉवर 60 रूपये किलो दर होता.
यामध्ये लसूण 100 - 140 रूपये किलो तर कांदा आणि बटाट्याचे दर शंभर रूपये 4 ते 5 किलो याप्रमाणे होते. टोमॅटो 50 रूपये प्रतिकिलो होते. आले 80 रूपये किलो आहे.
फळभाज्यांचे दर पुढील प्रमाणे : रविवारी बाजारात गवार 120 - 140 रूपये किलो, शेवगा 80 रुपये किलो होता. वाटाणा 100 रूपये किलो, टोमॅटो 50 रूपये, भेंडी 60 रूपये किलो, फ्लॉवर 60 रूपये, कोबी 40 रूपये, मिरची 60 रूपये, गाजर 40 रूपये, शिमला 60 रूपये, लसूण 80 - 100 रूपये, आले 60 रूपये, वांगी 60 रूपये, काकडी 30 रूपये, कारले 30 , कांदे 100 रूपये 5 किलो, बटाटा 25 रूपये किलो, बिन्स 60 रूपये किलो, पावटा 40, रताळी 60 रूपये, लाल भोपळा 60 रूपये , घोसाळी 50, दोडका 40 - 50 रूपये, तोंडली 50 रूपये, बीट 40 रूपये, दुधी 50, घेवडा 60.
पिंपरी बाजारातील दर पाले भाज्यांचे दर (रु.) प्रति जुडी
कोथिंबीर 8 - 10 रूपये, मेथी 15 रूपये, पालक 15 रूपये, शेपू 15 रूपये, पुदिना 10 रूपये, मुळा 20 रूपये, चवळई 15, लाल माठ 15, कांदापात 20 रूपये, करडई 20, आळू पाने 60 रूपये जुडी.
फळभाज्यांचे : किलोचे भाव (किरकोळ रु.)
बीट 90, वाल 70, दोडका 60, कारली 70, भरताची वांगी 60, गवार 130, शेवगा 70, भेंडी 70 ,मिरची 70, फ्लॉवर 60, कोबी 50, वांगी 60, तोंडली 60, घोसळे 60, पडवळ 60, भोपळा 60, पापडी 60 - 70, बीन्स 70 रूपये, परवल 50, रताळी 70 रूपये किलो, सुरण 50 रूपये, मद्रास काकडी 60 रूपये, आरबी 70 रूपये किलो, सिमला 70 रूपये, वाटाणा 100 - 120 रूपये, राजमा 70 काळा, राजमा लाल 70
मोशी उपबाजारातील घाऊक दर (प्रतिकिलो रु.)
कांदा 9, बटाटा 13, आले 60, भेंडी 30, गवार 70 , टोमॅटो 30, वाटाणा 80, घेवडा 55, दोडका 30, हिरवी मिरची 50, दुधी भोपळा 15, काकडी 20, कारली 30, गाजर 25, फ्लॉवर 15, कोबी 9, वांगी 20, ढोबळी 50, शेवगा 45, घोसाळी 25, पावटा 45, मिरची 50 प्रतिकिलो दर होते
मोशी उपबाजारातील दर, आवक (क्विंटल)
फळभाजी 4660, पालेभाजी 81700 (गड्डी) , फळे आवक 547,कांदा 807, बटाटा 1055, आले 132, लसूण 54, भेंडी 120, गवार 37, टोमॅटो 465, वाटाणा 34, घेवडा 91, दोडका 46, हिरवी मिरची 110, दुधी भोपळा 64, काकडी 164, कारली 64, डांगर 52, गाजर 108, फ्लॉवर 275, कोबी 235, वांगी 208, ढोबळी 41, बीट 19, शेवगा 57, लिंबू 45, मका कणीस 223 क्विंटल अशी आवक झाली.
उपवासामुळे फळांना मागणी
श्रावण महिन्यातील उपवासामुळे फळांना मागणी वाढली आहे. केळी 70 ते 80 रूपये डझन दराने विक्री केली जात आहे. पिंपरी फळ बाजारात सफरचंद आणि पिअरची आवक मोठ्या प्रमाणात झाली आहे. तसेच पेरूला मागणी आहे.
बाजारात डाळींब 200 ते 250 रूपये किलो दराने उपलब्ध आहेत. तर पेरू 100 ते 150 रूपये किलो दराने उपलब्ध आहेत. पावसामुळे इतर फळांची आवक देखील कमी झाली आहे. फळ बाजारात अंजीर, लिची, चिक्कू ही फळे नाहीत. सिमला येथील नाश्पती, आलुबुखार आणि पिअर यांची देखील मोठ्या प्रमाणात आवक झाली आहे. इतर फळांचे दर गेल्या आठवड्याप्रमाणे स्थिर आहेत. पावसामुळे फळांच्या मागणीत देखील घट झाली आहे.
फळांचे दर प्रतिकिलो पुढीलप्रमाणे
देशी सफरचंद 150 - 160 रूपये तर परदेशी सफरचंद 240 रूपये, मोसंबी 100, संत्री 140, डाळिंब 250, पेरू 100 रूपये, पपई 40 - 50 रूपये, अननस 120 रूपये, केळी 70 रूपये डझन, अननस 100 प्रतिनग, पिअर 140 रूपये, ड्रॅगनफ—ुट पांढरे 100 रूपये (दीड किलो) , किवी 120, आंबे (तोतापुरी, निलम, लंगडा, दशहेरी) 100 - 120 रूपये, नाश्पती 120 रूपये, आलुबुखार 150 रूपये, सीताफळ 100 रूपये.