पिंपरी : पिंपरी-चिंचवड शहरातील पिंपरी, चिंचवड व भोसरी विधानसभा मतदारसंघात मतदारांचे मतदार यादीतील नावे पडताळणीस मंगळवारी (दि. 30) सुरुवात करण्यात आली. घरोघरी जाऊन त्यांना अर्जाचे वाटप केले जात आहे. तसेच, भरलेले अर्ज जमा करण्यात येत आहेत. ते पडताळणी 29 जुलैपर्यंत केली जाणार आहे.
भारत निवडणूक आयोगाच्या निर्देशानुसार शहरातील तीनही विधानसभा मतदारसंघात मतदार यादी अद्ययावत करण्यासाठी सखोल पुनरीक्षणाचा कार्यक्रम (एसआयआर) मंगळवारपासून सुरू करण्यात आला आहे. बीएलओकडून मतदान केंद्रानुसार त्या त्या भागांतील घरोघरी जाऊन मतदारांना अर्जाचे वाटप करण्यात येत आहे.
तसेच, भरलेले अर्ज जमा केले जात आहेत. घरोघरी जाऊन अर्जाचे वाटप तसेच, अर्ज जमा करण्याची मुदत 29 जुलैपर्यंत आहे. मतदार यादी 5 ऑगस्टला तयार केली जाणार आहे. त्यावर 5 ऑगस्ट ते 4 सप्टेंबर या कालाधीत हरकती व सूचना स्वीकारण्यात येणार आहेत. त्यावर 5 ऑगस्ट ते 3 ऑक्टोबर या कालावधीत सुनावणी होणार आहे. अंतिम मतदार यादी 7 ऑक्टोबरला प्रसिद्ध केली जाणार आहे.
मतदार यादीत नाव असल्याची खात्री करा
नागरिक अधिक माहितीसाठी मोबाईलमध्ये ईसीआयएनईटी हे अॅप डाउनलोड करून आपल्या बीएलओशी संपर्क करू शकतात. आपले नाव मतदार यादीत शोधण्यासाठी https://electoralsearch.eci.gov.in, https://voters.eci.gov.in या संकेतस्थळास भेट द्यावी, असे आवाहन करण्यात आले आहे.
घरी येणार्या बीएलओ कर्मचार्यांना आवश्यक माहिती द्या
नागरिकांनी आपल्या कुटुंबातील पात्र मतदारांची नोंदणी व माहिती अद्ययावत असल्याची खात्री करावी. आपल्या घरी येणार्या बीएलओ कर्मचार्यांना आवश्यक ती माहिती व कागदपत्रे देऊन सहकार्य करावे, असे आवाहन मतदार नोंदणी अधिकारी अर्चना यादव यांनी केले आहे.