पिंपळे गुरव: महावितरणच्या वतीने पिंपळे गुरव येथील सृष्टी चौक ते माऊली रसवंतीगृह समोरील मिनी फिडर पिलर दरम्यानची सुमारे १७ ते १८ वर्षे जुनी एलटी वीज केबल बदलण्याचे काम महावितरणकडून युद्धपातळीवर हाती घेण्यात आले आहे. यामुळे पिंपळे गुरव परिसरात खंडित वीजपुरवठ्याचा प्रश्न सुटण्यास मदत होणार आहे.
सदर केबल मुख्य रस्ता क्रॉस करून जात असल्याने आणि वाढलेल्या विजेच्या लोडमुळे सतत तसेच गेल्या आठवड्यात दोन वेळा केबल फॉल्टी झाली होती. येथील चौकात सातत्याने वाहतुकीची वर्दळ सुरू असते. त्यामुळे येथील मुख्य रस्त्यावर काम करताना कर्मचाऱ्यांना मोठ्या अडचणींचा सामना करावा लागत होता.
येथील परिसरातील वाढता वीज वापर आणि लोड लक्षात घेऊन महावितरणचे कार्यकारी अभियंता सोमनाथ मुंढे यांच्या निर्देशानुसार जुनी २४० स्क्वेअर एमएमची केबल काढून त्याऐवजी ३०० स्क्वेअर एमएमची ८० मीटर नवीन केबल टाकण्याचे कामकाज सुरू केले आहे. पिंपळे गुरव महावितरणचे सहाय्यक अभियंता संतोष पंचरस आणि कार्यकारी अभियंता सोमनाथ गिरी यांनी या कामासाठी विशेष पाठपुरावा केला होता.
रात्रीच्या कामामुळे नागरिकांनी घेतली पोलिस स्टेशनमध्ये धाव
आषाढी एकादशीच्या दिवशी (शनिवार) सकाळी १० वाजल्यापासून महावितरणने या कामाला सुरुवात केली होती. मात्र, शनिवारी रात्री १० नंतरही ब्रेकर मशीनद्वारे खोदकाम सुरूच राहिल्याने परिसरातील नागरिक आणि सोसायटीधारकांना खोदकामाच्या आवाजाचा प्रचंड त्रास सहन करावा लागत होता. अखेर त्रस्त नागरिकांनी सांगवी पोलिस ठाण्यात जाऊन याप्रकरणी तक्रार केली. सदर तक्रारीची दखल घेत सांगवी पोलिसांनी तातडीने घटनास्थळी धाव घेऊन रात्रीचे सुरू असलेले महावितरणचे कामकाज थांबवले. या वेळी महावितरणच्या अधिकाऱ्यांनीही पोलिसांच्या सूचनेचा आदर करत रात्रीचे कामकाज थांबवून रविवारी सकाळी १० वाजल्यापासून पुन्हा कामाला सुरुवात केली.
रविवारी रात्री दहा वाजेपर्यंत काम पूर्ण करण्याचे आव्हान
सध्या रविवार रात्री १० वाजेपर्यंत हे काम पूर्णत्वास नेण्यासाठी महावितरणचे पथक अथक परिश्रम घेत आहे. या संपूर्ण मोहिमेसाठी घटनास्थळी २ ब्रेकर मशीन, १० मजूर, २ महावितरण कर्मचारी आणि २ वरिष्ठ अधिकारी उपस्थित असून, काम वेगाने पूर्ण करण्याचा प्रयत्न सुरू