पिंपरी: पिंपरी येथील लालबहादूर शास्त्री भाजी मंडईत रविवार (दि. 24) भाज्यांची आवक वाढली होती. भाज्यांचे दर गेल्या आठवड्याप्रमाणे स्थिर आहेत. पिंपरी बाजारात सोलापूरमधील कर्टुली दाखल झाली असून 280 रुपये किलोने विक्री केली जात आहे. टोमॅटो आणि तोंडल्याची आवक कमी झाल्याने दर वाढले आहेत. पालेभाज्यांमध्ये इतर भाज्या स्वस्त तर मुळा आणि कांदापात प्रति जुडी 25 रुपये दराने विक्री केली जात आहे.
रविवारी पिंपरी बाजारात पालेभाज्यांचे गेल्या आठवड्याप्रमाणे स्थिर आहेत. टोमॅटोचे दर वाढलेले असून 50 - 60 रूपये किलो झाले आहेत. तर भाज्यांची आवक वाढल्याने दर उतरले आहेत. (Latest Pimpri News)
कांदे आणि बटाटे यांचे भाव काही प्रमाणात वाढले आहेत. 20 - 25 रूपये किलो कांदे व बटाटे उपलब्ध आहेत. फळभाज्यांचे दर कमी झाले आहेत. कोथिंबीरची जुडी 15 रूपये तर पालेभाज्या 15 - 20 रुपये जुडी होत्या. तर हिरवी मिरची 60 रुपये किलो दर होता. तर फळभाज्यांमध्ये वांगी, दोडका, फ्लॉवर 60 - 80 रुपये किलो दर होता. यामध्ये लसूण 100 - 120 रूपये किलो तर आले 80 रूपये किलो आहे.
फळभाज्यांचे दर पुढील प्रमाणे :
गवार 100 - 120 रूपये किलो, शेवगा 80 रुपये किलो होता. मटार 100 रूपये किलो, टोमॅटो 50 रूपये, भेंडी 60 रूपये, फ्लॉवर 50, कोबी 40, मिरची 80, गाजर 40, शिमला 60, लसूण 80 ते 100 रूपये, आले 60, वांगी 60, काकडी 30, कारले 40, कांदे 100 रुपयांना पाच किलो, बटाटा 30 रुपये किलो, बिन्स 80, पावटा 60, रताळी 60, लाल भोपळा 60, घोसाळी 50, दोडका 60, तोंडली 80 ते 90 , बीट 40, दुधी 50, घेवडा 60, आवळा 80, रताळी 70 - 80 रुपये किलो दराने विक्री केली जात आहे.
पिंपरी बाजारातील दर पालेभाज्यांचे दर (रु.) प्रति जुडी
कोथिंबीर 15 रुपये, मेथी 20, पालक 15, शेपू 10, पुदिना 10, मुळा 25, चवळई 20, लाल माठ 10, कांदापात 15, करडई 15, आळू पाने 10 रुपये जुडी, चुका 10 रुपये.
फळभाज्यांचे : किलोचे भाव (किरकोळ रु.)
बीट 80, वाल 60, दोडका 60, कारली 60, भरताची वांगी 60, गवार 130, शेवगा 80, भेंडी 80 ,मिरची 80, फ्लॉवर 40, कोबी 30, वांगी 40, तोंडली 60, घोसळे 60, पडवळ 60, भोपळा 60, पापडी 60 - 70, बीन्स 80 रुपये, परवल 50, रताळी 70 रुपये किलो, सुरण 50 रुपये, मद्रास काकडी 60, सिमला 90 रुपये, राजमा काळा 70, राजमा लाल 70, बिन्स 50 रुपये.
मोशी उपबाजारातील घाऊक दर (प्रतिकिलो रु.)
कांदा 11, बटाटा 14, आले 35, लसूण 65, भेंडी 25, गवार 40 , टोमॅटो 40, वाटाणा 70, घेवडा 35, दोडका 35, हिरवी मिरची 60, दुधी भोपळा 25, काकडी 15, कारली 35, गाजर 30, फ्लॉवर 30, कोबी 20, वांगी 25, ढोबळी 30, शेवगा 50, घोसाळी 50, पावटा 35 प्रतिकिलो दर होते
मोशी उपबाजारातील दर, आवक (क्विंटल)
फळभाजी 5205, पालेभाजी 62100 (गड्डी) , फळे आवक 491,कांदा 662, बटाटा 840, आले 87, लसूण 54, भेंडी 175, गवार 38, टोमॅटो 835, वाटाणा 50, घेवडा 73, दोडका 40, हिरवी मिरची 247, दुधी भोपळा 77, काकडी 216, कारली 93, डांगर 124, गाजर 68, फ्लॉवर 317, कोबी 371, वांगी 163, ढोबळी 89, बीट 34, शेवगा 37, लिंबू 79, मका कणीस 233 क्विंटल आवक झाली आहे.