रशियात चर्चवर दहशतवादी हल्ला, धर्मगुरू आणि पोलिसांसह १५ जणांचा मृत्यू
मॉस्को : पुढारी ऑनलाईन रशियामध्ये मोठा दहशतवादी हल्ला झाला आहे. या हल्ल्यात सुमारे 15 रशियन लोकांना आपला जीव गमवावा लागला असून त्यात एक धर्मगुरू आणि काही पोलिसांचाही समावेश आहे.
रशियामध्ये रविवारी एक भीषण दहशतवादी हल्ला झाला. ज्यामध्ये जवळपास १५ लोकांचा मृत्यू झाला. दागेस्तानचे गव्हर्नर सर्गेई मेलिकोव्ह यांनी आज (सोमवार) ही माहिती दिली. गव्हर्नर सर्गेई मेलिकोव्ह यांनी सांगितले की, दोन शहरांमधील दोन ऑर्थोडॉक्स चर्च, एक सभास्थान आणि पोलिस चौकीवर बंदूकधाऱ्यांनी गोळीबार केल्यावर ऑर्थोडॉक्स धर्मगुरूंसह दागेस्तानमध्ये 15 हून अधिक पोलिस आणि अनेक नागरिक ठार झाले.
15 जणांना आपला जीव गमवावा लागला
हल्लेखोरांनी रविवारी दोन शहरातील दोन ऑर्थोडॉक्स चर्च, प्रार्थनास्थळ आणि पोलिस चौकीवर गोळीबार केला. ज्यामध्ये पोलिसांसह 15 जणांना आपला जीव गमवावा लागला आहे. रशियाच्या राष्ट्रीय दहशतवादविरोधी समितीने सशस्त्र अतिरेकी इतिहास असलेल्या मुस्लिम बहुल प्रदेशातील हल्ल्यांचे वर्णन दहशतवादी कृत्य म्हणून केले आहे. राज्यपालानी दिलेल्‍या माहितीनुसार 6 हल्लेखोर मारले गेले आहेत.
आधी चर्चवर हल्ला केला
दागेस्तानच्या गृह मंत्रालयाने सांगितले की, सशस्त्र लोकांच्या एका गटाने कॅस्पियन समुद्र किनाऱ्यावर असलेल्या डर्बेंट शहरातील सिनेगॉग आणि चर्चवर गोळीबार केला. सरकारी मीडियानुसार, हल्ल्यादरम्यान चर्च आणि अराधनालय या दोन्ही ठिकाणी आग लागली. त्याच वेळी, दागेस्तानची राजधानी मखाचकला येथे चर्च आणि ट्रॅफिक पोलिस चौकीवर हल्ले झाल्याच्या बातम्या समोर आल्या.
5 दहशतवादी ठार
हल्ल्यानंतर अधिकाऱ्यांनी परिसरात दहशतवादविरोधी कारवाई सुरू केली. या हल्ल्यात एक पादरी आणि पोलिस ठार झाल्याचे दहशतवाद विरोधी समितीने सांगितले. त्यानंतर पाच बंदूकधारी ठार झाल्याचे वृत्त आहे. मात्र, या हल्ल्यात किती दहशतवादी सहभागी होते हे स्पष्ट झालेले नाही. रशियाच्या राज्य वृत्तसंस्थेने आरआयए नोवोस्तीने प्रदेशाच्या गृह मंत्रालयाच्या हवाल्याने सांगितले की, सहा पोलिस ठार झाले आणि 13 जण जखमी झाले, तर इतर अहवालात म्हटले आहे की या हल्ल्यात एक चर्च रक्षक तसेच तीन नागरिकही मारले गेले आहेत.