Kupwara LoC infiltration attempt foiled : उत्तर काश्मीरमधील कुपवाडा जिल्ह्यात नियंत्रण रेषेवर (LoC) पाकिस्तानच्या बाजूने करण्यात आलेला घुसखोरीचा आणखी एक डाव भारतीय लष्कराच्या सतर्क जवानांनी हाणून पाडला आहे. केरान सेक्टरमधील जुमागंड भागात पहाटे साडेतीनच्या सुमारास झालेल्या चकमकीत दोन दहशतवादी मारले गेले आहेत. सध्या या भागात शोधमोहीम सुरू आहे.
उत्तर काश्मीरमधील केरन सेक्टर अंतर्गत येणाऱ्या जुमगुंड भागात सुरक्षा दल आणि दहशतवाद्यांमध्ये जोरदार चकमक सुरू झाली . नियंत्रण रेषेजवळ (LoC) पहाटेच्या सुमारास काही संशयास्पद हालचाली दिसून आल्यानंतर सतर्क जवानांनी दहशतवाद्यांच्या गटाला वेळीच ओळखले. जवानांनी या संशयितांना तातडीने रोखून आव्हान दिले असता, दहशतवाद्यांनी गोळीबार सुरू केला. लष्कराच्या जवानांनीही या गोळीबाराला चोख प्रत्युत्तर दिले आहे. या चकमकीत दोन दहशतवादी ठार झाले आहेत.
सध्या या परिसरात लष्कर आणि सुरक्षा दलांची संयुक्त शोधमोहीम वेगाने सुरू आहे. दहशतवाद्यांचा हा गट सीमापारborderवरून घुसखोरी करण्याचा प्रयत्न करत होता का, याबाबत अद्याप अधिकृतपणे स्पष्टता आलेली नाही, असे वरिष्ठ अधिकाऱ्यांनी सांगितले. संपूर्ण परिसराला वेढा घालण्यात आला असून, दहशतवाद्यांना कंठस्नान घालण्यासाठी सुरक्षा यंत्रणा पूर्णपणे तयारीत आहेत.
१७ सप्टेंबर २०२६ रोजी, जम्मूच्या उधमपूर जिल्ह्यात राबवलेल्या एका मोहिमेदरम्यान 'जैश-ए-मोहम्मद'शी संबंधित दोन पाकिस्तानी दहशतवादी मारले गेले होते, तर एका संशयिताला ताब्यात घेण्यात आले होते. जम्मू-काश्मीर पोलिसांनी मारल्या गेलेल्या या दोन दहशतवाद्यांची ओळख सद्दाम आणि मुस्तफा अशी होती.
हिवाळा जवळ येताच नियंत्रण रेषेच्या परिसरात घुसखोरीच्या प्रयत्नांत वाढ दिसून येते. डोंगराळ भागातील खिंडींमध्ये मोठ्या प्रमाणात बर्फ साचल्यामुळे अनेक मार्ग बंद होण्यापूर्वी आणि दुर्गम होण्यापूर्वी दहशतवादी खोऱ्यात शिरण्याचा प्रयत्न करू शकतात. अशा काळात, घुसखोरीचे प्रयत्न हाणून पाडण्यासाठी लष्कर नियंत्रण रेषेवरील संवेदनशील भागांतील बंदोबस्‍तात मोठ्या प्रमाणावर वाढ होते.