नवी दिल्ली : जम्मू-काश्मीर विधानसभा निवडणुकीसाठी भाजपने दुसऱ्या आणि तिसऱ्या टप्प्यातील २९ उमेदवारांची तिसरी यादी जाहीर केली. भाजपच्या तिसऱ्या यादीत दुसऱ्या टप्प्यातील १० आणि तिसऱ्या टप्प्यातील १९ उमेदवार आहेत.
भाजपने आतापर्यंत तीन याद्यांमध्ये ४५ उमेदवारांची नावे जाहीर केली आहेत. जम्मू काश्मीर विधानसभेसाठी तीन टप्प्यात निवडणूक होत आहे. यातील पहिला टप्पा १८ सप्टेंबरला तर २५ सप्टेंबरला दुसरा आणि १ ऑक्टोबरला तिसरा टप्पा पार पडणार आहे.