IIT Delhi is the country's number 1 institution in the QS rankings
नवी दिल्ली : पुढारी ऑनलाईन भारतीय तंत्रज्ञान संस्था, दिल्ली (Indian Institute of Technology Delhi) ने पुन्हा एकदा देशातील सर्वोत्तम शिक्षण व संशोधन संस्था म्हणून आपले स्थान मजबूत केले आहे. 18 जून 2026 रोजी जाहीर झालेल्या QS World University Rankings 2027 मध्ये संस्थेने आपली कामगिरी सुधारत जागतिक स्तरावर 118वे स्थान मिळवले आहे.
या क्रमवारीत IIT दिल्लीने मागील 123व्या स्थानावरून झेप घेत 118वे स्थान मिळवले असून, भारतीय उच्च शिक्षण संस्थांसाठी ही मोठी उपलब्धी मानली जात आहे.
118व्या क्रमांकासह, IIT दिल्लीने QS जागतिक विद्यापीठ क्रमवारीत एखाद्या भारतीय संस्थेने मिळवलेल्या आतापर्यंतच्या सर्वोच्च जागतिक स्थानाची बरोबरी केली आहे.
रँकिंगबाबत बोलताना IIT दिल्लीचे डीन आणि प्लॅनिंग अँड रँकिंग सेलचे प्रमुख Prof. Somnath Baidya Roy म्हणाले,
“जागतिक दर्जाचे आणि परवडणारे तांत्रिक शिक्षण देण्याबरोबरच जगभरातील संशोधक व विद्यार्थ्यांसाठी पसंतीचे केंद्र बनण्याच्या उद्दिष्टासाठी IIT दिल्ली पूर्णपणे कटिबद्ध आहे.
आमचा नवीन अभ्यासक्रम, आधुनिक पायाभूत सुविधा आणि वाढते आंतरराष्ट्रीय सहकार्य आगामी काळात संस्थेची गुणवत्ता आणि प्रभाव आणखी वाढवतील. आम्ही रँकिंगला अंतिम ध्येय मानत नाही, तर आमच्या प्रयत्नांचा नैसर्गिक परिणाम मानतो. योग्य दिशेने सातत्याने काम करत राहिलो, तर रँकिंग आपोआप सुधारत जाईल.”
QS World University Rankings 2024 मध्ये IIT दिल्ली 197व्या स्थानावर होती. त्यानंतर सातत्यपूर्ण प्रगती करत संस्थेने QS World University Rankings 2027 मध्ये 118वे स्थान मिळवले आहे.
जगातील टॉप-10 विद्यापीठे
विद्यापीठ देश
Massachusetts Institute of Technology (MIT) अमेरिका
Stanford University अमेरिका
Imperial College London युनायटेड किंगडम
University of Oxford युनायटेड किंगडम
Harvard University अमेरिका
University of Cambridge युनायटेड किंगडम
California Institute of Technology अमेरिका
University College London युनायटेड किंगडम
ETH Zurich स्वित्झर्लंड
National University of Singapore सिंगापूर
जागतिक क्रमवारीत भारतातील 52 विद्यापीठे
QS World University Rankings 2027 मध्ये भारतातील 52 विद्यापीठांना स्थान मिळाले आहे. यामुळे भारत हा जगातील पाचवा सर्वाधिक प्रतिनिधित्व असलेला उच्च शिक्षण क्षेत्राचा देश ठरला आहे.
भारतीय विद्यापीठांची कामगिरी
IIT दिल्ली नंतर भारतीय संस्थांमध्ये Indian Institute of Technology Bombay जागतिक स्तरावर 134व्या, Indian Institute of Technology Madras 170व्या, Indian Institute of Technology Kharagpur 205व्या आणि Indian Institute of Technology Kanpur 221व्या स्थानावर आहेत.
DU आणि JNU चीही प्रगती
University of Delhi (DU) ने मागील वर्षीच्या 328व्या स्थानावरून सुधारणा करत 322वे स्थान मिळवले आहे.
Jawaharlal Nehru University चीही क्रमवारी सुधारली आहे. मागील वर्षी 558व्या स्थानावर असलेली JNU यंदा 555व्या स्थानावर पोहोचली आहे. भारतीय संस्थांमध्ये JNU ला 15वे स्थान मिळाले आहे.
तसेच Jamia Millia Islamia ने 761-770 या गटातून मोठी झेप घेत 686वे जागतिक स्थान मिळवले आहे. भारतीय संस्थांमध्ये जामियाला 20वे स्थान प्राप्त झाले आहे.