Tigress Death Nagpur | नागपूर - वर्धा रोडवरील जामठा परिसरात रेल्वेच्या धडकेत वाघिणीचा मृत्यू

Nagpur Railway Track Tiger Death

नागपूर : नागपूर - वर्धा रोडवरील जामठा परिसरात रेल्वेच्या धडकेत एका वाघाचा मृत्यू झाल्याची घटना आज (दि.१८) उघडकीस आली आहे. बुटीबोरी वन परिक्षेत्र अंतर्गत झालेल्या या घटनेत वाघाचा मृत्यू धावत्या रेल्वेगाडीच्या धडकेत झाल्याचा प्राथमिक अंदाज वर्तवला जात आहे.

जामठा परिसरातील पोल क्रमांक ८१९/२२ जवळ, विदर्भ क्रिकेट असोसिएशन स्टेडियम आणि ब्रह्मकुमारीज आश्रमाच्या शेजारी रेल्वे रुळावर ही घटना घडली. यात मृत्युमुखी पडलेला वाघ वन विभागाच्या मते उपप्रौढ (मादी) वाघ होता. या वाघाचे अंदाजे वय सुमारे १.५ वर्षे असल्याची माहिती वन विभागाने दिली.