Nitin Gadkari Devendra Fadnavis Nagpur Meeting
नागपूर : नागपूरच्या महापौर पदावरून राजकीय हालचालींना वेग आला आहे. येत्या 6 फेब्रुवारी रोजी रेशीमबागेतील कविवर्य सुरेश भट सभागृहात एका विशेष सभेत महापौर,उपमहापौर निवड केली जाणार आहे.
केंद्रीय महामार्ग मंत्री नितीन गडकरी यांच्या निवासस्थानी शुक्रवारी (दि.३०) या संदर्भात रात्री महत्त्वपूर्ण बैठक होणार असून मुख्यमंत्री देवेंद्र फडणवीस या बैठकीला उपस्थित राहणार असल्याची माहिती आहे.
शहर भाजपचे अध्यक्ष दयाशंकर तिवारी यांच्यासह प्रमुख नेतेही बैठकीत सहभागी होणार आहेत. यावेळी महापौर व उपमहापौर पदासाठीच्या नावांवर सखोल चर्चा होणार आहे. या बैठकीत दोन्ही पदांसाठी नावे निश्चित होण्याची शक्यता वर्तविली जात आहे.