Civic Issues Protest Nagpur
नागपूर : सहकार नगर भागात अवैधपणे सुरू असलेल्या मटण मार्केट विरोधात या भागातील संतप्त नागरिकांसोबत महाराष्ट्र नवनिर्माण सेनेने या संदर्भात अनोखे आंदोलन केले. लक्ष्मी नगर झोनच्या सहाय्यक आयुक्तांना चक्क कोंबड्या भेट दिल्या. या पद्धतीने मार्केटला विरोध करण्यात आला.
मटन मार्केटला महापालिकेच्या अधिकाऱ्यांचा सरळ सरळ पाठिंबा असल्याचा आरोप मनसेकडून करण्यात आला. अनेकदा निवेदने देण्यात आली. मात्र, कारवाई केली जात नाही, असाही आरोप करण्यात आला. सहाय्यक आयुक्त चौधरी यांना मनसेच्या पदाधिकाऱ्यांनी कोंबड्या भेट दिल्या.
यावेळी प्रदेश सरचिटणीस हेमंत गडकरी, मनसे नागपूर शहर उपाध्यक्ष तुषार गिरे यांच्या नेतृत्वाखाली शिष्टमंडळ भेटले. यावेळी मार्केटमुळे होणारा त्रास, वाढलेली दुर्गंधी, भटक्या कुत्र्यांचे साम्राज्य, वाढते अपघात एका महिलेचा झालेला मृत्यू याकडे कडे लक्ष वेधले. हे इशारा आंदोलन असून यापुढे कार्यालय परिसरातच आम्ही अवैध मटण मार्केट सुरू करू असा इशारा दिला.