Nagpur Air India Flights | नागपुरातून दिल्ली, मुंबई जाणारी स्थगित विमाने पुन्हा सुरू होणार

Nagpur Air India Delhi Mumbai Flights

नागपूर : मध्यंतरी विमान इंधनाच्या वाढत्या किमती आणि खर्चामुळे स्थगित करण्यात आलेली एअर इंडिया आणि एअर इंडिया एक्स्प्रेसची विमानसेवा येत्या १ ऑगस्टपासून पुन्हा एकदा नागपुरातून सुरू होणार आहे.

नागपूरहून दिल्ली, मुंबई आणि बेंगळुरू या महत्त्वाच्या शहरांसाठी ही उड्डाणे आहेत. १ ऑगस्टपासून सुरू होणाऱ्या विमानसेवांमध्ये एअर इंडियाच्या नागपूर ते मुंबई फ्लाइट क्रमांक एआय-२५८४ आणि मुंबई ते नागपूर फ्लाइट क्रमांक एआय-२५८३, दिल्ली मार्गावरील नागपूर ते दिल्ली फ्लाइट क्रमांक एआय-४१६, दिल्ली ते नागपूर फ्लाइट क्रमांक एआय-४१५ यांचा समावेश आहे.

दरम्यान ,एअर इंडिया एक्सप्रेसतर्फे नागपूर-बेंगळुरू आणि बेंगळुरू-नागपूर दरम्यान विशेष उड्डाणे सुरू केली जात आहेत. १ ऑगस्टपासून सुरू होणाऱ्या या सर्व विमान फेऱ्यांचे अधिकृत बुकिंग एअरलाइन्सतर्फे सुरू करण्यात आल्याची माहिती सूत्रांनी दिली.