Bhandara-Gondiya News | भंडारा-गोंदिया जिल्ह्याचे पालकमंत्री बदलले

राज्यात पुढच्या वर्षी लोकसभा आणि त्यापाठोपाठ विधानसभा निवडणुका होणार आहेत. यासाठी आतापासूनच सर्वच पक्षांनी मोर्चेबांधणी सुरू केली आहे. भंडारा जिल्ह्याचे पालकमंत्रीपद स्थानिक नेत्यांना देण्यात यावे, अशी मागणी यापूर्वी भंडाराचे आमदार नरेंद्र भोंडेकर यांनी केली होती. राज्य मंत्रिमंडळाच्या विस्तारात त्यांना स्थान मिळेल, अशीही अपेक्षा व्यक्त केली जात होती. परंतु, आधी देवेंद्र फडणवीस आणि आता विजयकुमार गावीत यांची पालकमंत्रीपदी नियुक्ती झाल्याने आ. भोंडेकर यांचा पुन्हा एकदा भ्रमनिरास झाला आहे. गोंदिया जिल्ह्याचे पालकमंत्रीपदी धर्मरावबाबा आत्राम यांची निवड करुन खा. प्रफुल पटेल यांनी या जिल्ह्यावर आपला दबदबा कायम राखला आहे. पुढील वर्षी होऊ घातलेल्या निवडणुकीच्या पार्श्वभूमीवर अचानक झालेल्या पालकमंत्र्यांचे फेरबदल महत्वाचे मानले जात आहे.