Ashti Accident News
गडचिरोली : चामोर्शी तालुक्यातील आष्टी येथे आज दोन दुचाकींची समोरासमोर धडक झाल्याने दोघांचा जागीच मृत्यू, तर एक जण गंभीर जखमी झाला. जखमींना रुग्णालयात दाखल केले. तेथून पुढील उपचारासाठी त्यांना चंद्रपूरला हलविण्यात आले.
राजू येलमुले आणि त्यांचा मुलगा संदीप येलमुले हे अनखोडा येथून दुचाकीने आष्टीकडे जात होते, तर शाम बिस्वास हे दुचाकीने आष्टी येथून आपल्या गावाकडे जात होते.
चामोर्शी मार्गावरील एचपी पेट्रोलपंपासमोर दोन्ही दुचाकींची समोरासमोर धडक झाली. यात राजू येलमुले आणि श्याम बिस्वास यांचा जागीच मृत्यू झाला, तर संदीप येलमुले हा गंभीर जखमी झाला. घटनेनंतर आष्टीचे पोलिस निरीक्षक महेंद्र वाघ यांनी आपल्या सहकाऱ्यांसह घटनास्थळ गाठून पंचनामा केला. त्यांनी जखमींना रुग्णालयात दाखल केले. तेथून पुढील उपचारासाठी चंद्रपूरला हलविण्यात आले.