गडचिरोली, पुढारी वृत्तसेवा : धान खरेदी, कृषिपंप आणि अन्य मागण्यांसंदर्भात शासनाचे लक्ष द्यावे यासाठी बुधवारी (दि. ०१) कोरची तालुक्यात शेतकऱ्यांनी चक्काजाम आंदोलन केले.
यावेळी उपविभागीय अधिकारी, तहसीलदार, कृषी अधिकारी, महावितरणचे कनिष्ठ अभियंता या अधिका-यांनी आंदोलनकर्त्यांशी चर्चा केली. परंतु शेतकरी आपल्या मागण्यांवर अडून होते. यानंतर शेतक-यांच्या मागण्या चार दिवसांत पूर्ण करण्याचे आश्वासन देण्यात आले.
या आंदोलनात नंदकिशोर वैरागडे, सुरेश काटेंगे, रामसुराम काटेंगे, अशोक गावतुरे, केशव लेनगुरे, आसाराम शेंडे, सियाराम हलामी, रंजित बागडेरिया, भाऊराव मानकर, मेहरसिंग काटेंगे, सुनील सयाम, रुपेश गंगबोईर, रुपराम देवांगण, धनिराम हिडामी, सुखराम राऊत, महोदवे बन्सोड, रामाधिन ताराम, तुलसीदास मडी, शंकर जनबंधू यांच्यासह अनेक शेतकरी सहभागी झाले होते.
हेही वाचा