चंद्रपूर : जनावरांना चारण्यासाठी गेल्या एका ५० वर्षीय शेतकऱ्यावर वाघाने हल्ला करून ठार केल्याची घटना सोमवारी (दि.२६) दुपारी सावली तालुक्यातील डोनाळा येथे घडली. आनंद वासेकर (वय ५०, रा. डोनाळा) असे या मृत शेतकऱ्याचे नाव आहे.
सावली तालुक्यात वाघ आणि बिबट्यांचा बऱ्याच दिवसांपासून धुमाकूळ सुरू आहे. त्यामुळे शेतकरी शेतमजुरांमध्ये भीतीचे वातावरण पसरले आहे. अशा स्थितीमध्ये ते शेतावर जाऊन काम करीत आहे. सावली तालुक्यातील डोनाला येथील जंगल परिसराला लागून असलेल्या ठिकाणी जनावरे चरण्यासाठी घेऊन गेलेल्या आनंद वासेकर यांच्यावर दब्बा धरुन असलेल्या वाघाने हल्ला करुन त्यांना ठार केले.त्यानंतर गावकऱ्यांनी ही माहिती वनविभागाला दिली. त्यांनतर पोलिसांसह वनविभागाचे कर्मचारी घटनास्थळी दाखल झाले. त्यानंतर मृतदेहाचा पंचनामा करून मृतदेह शवविच्छेदनासाठी पाठविण्यात आला.