Warora ST Bus Theft
चंद्रपूर: वरोरा तालुक्यातील शेगाव (बु.) येथे धावत्या बसमध्ये अज्ञात चोरट्यांनी महिलेच्या गळ्यातील सुमारे ५० हजार रुपये किमतीचे सोन्याचे मंगळसूत्र चोरून नेल्याची घटना १२ नोव्हेंबर रोजी घडली.
मिळालेल्या माहितीनुसार, विंगाव (आबादी), ता. वरोरा येथील रहिवासी रेखा दिलीप आवारी (वय ५३) या आपल्या नणंद कमलबाई मानिकराव डाहुले यांच्यासोबत शेगाव (बु.) येथील बाजारात खरेदीसाठी आल्या होत्या. खरेदी आटोपल्यानंतर दोघीही गावाकडे जाण्यासाठी बसस्थानकावरून बसमध्ये चढल्या.
बस प्रवाशांच्या गर्दीने खचाखच भरलेली होती. याच गर्दीचा फायदा घेत अज्ञात चोरट्यांनी रेखा आवारी यांच्या गळ्यातील सोन्याचे मंगळसूत्र चोरून नेले. चोरीस गेलेल्या मंगळसूत्राचे वजन सुमारे १० ग्रॅम असल्याचे सांगण्यात आले असून, त्याची किंमत जवळपास ५० हजार रुपये आहे. याप्रकरणी महिलेच्या तक्रारीवरून शेगाव पोलिसांनी गुन्हा दाखल केला असून पुढील तपास सुरू आहे.