चंद्रपूर : बल्लारपूर पेपरमिल समोर मागेहून येणाऱ्या हायवा ट्रकने समोरील दुचाकीला जबर धडक दिली. या धडकेत दुचाकीस्वाराचा जागीच मृत्यू झाला. तर दुसरा गंभीर जखमी आहे. ही घटना गुरूवारी (दि.26) रोजी पेपर मिल गुलमोहर पार्कसमोर घडली. गोलू राजू उमरगुंडावार (वय 22) रा.घोडपेठ, भद्रावती असे मृतकाचे तर सतिश अशोक लोखंडे (वय 34) रा.म्हातारदेवी वॉर्ड,घुग्घुस असे जखमीचे नाव आहे. जखमीवर बल्लारपूर ग्रामीण रूग्णालयात उपचार सुरू आहे.