Borgav Chichal Bus Accident News
भंडारा: लाखांदूर तालुक्यातील बोरगाव-चिचाळ रस्त्यावर आज (दि.९) दुपारी सुमारे १२.३० वाजता एसटी बसचा अपघात झाला. साकोली आगाराची एसटी बस साकोलीवरून राजुराकडे जात असताना रस्त्यावर अचानक मेंढ्यांचा कळप आल्याने एसटी बस चालक अमरदिप नंदागवळी यांनी प्रसंगावधान राखून मेंढ्यांना वाचवण्याचा प्रयत्न केला.
मात्र त्यावेळी आलेल्या वळणामुळे बस रस्त्याच्या कडेला खाली उतरली. सुदैवाने या अपघातात कोणालाही दुखापत झाली नाही. घटनेची माहिती मिळताच स्थानिक नागरिकांनी घटनास्थळी गर्दी केली. क्रेनच्या मदतीने बस बाहेर काढण्यात आली आणि पुढील वाहतूक सुरळीत करण्यात आली.