भंडारा : अंघोळीसाठी वैनगंगा नदीत गेलेल्या सात तरुणांपैकी दोघे बुडाले. ही घटना रविवारी रात्री घडली. रविवारी सायंकाळी सुमारे 06.30 वाजता भंडारा तालुक्यातील करचखेडा येथील वैनगंगा नदीत एका खासगी बोटीने हे तरुण निघाले होते.
सात जण नदीच्या मधोमध असलेल्या बेटावर आंघोळ करण्यासाठी गेले होते; परतीच्या मार्गावर नदीच्या मध्यभागी बोट अचानक पलटली. यावेळी पवन मुरली चौबे (वय 34, रा. आंबेडकर वार्ड, भंडारा) आणि कृष्णा जगन्नाथ बोकडे (वय 26, रा. चांदणी चौक, भंडारा) हे दोघे नदीमध्ये बुडाले. उर्वरित पाच जण पोहत किनाऱ्यावर परत आले.
घटनेची माहिती मिळताच जिल्हा प्रशासनाने जिल्हा शोध व बचाव पथकाला घटनास्थळी तात्काळ रवाना केले आहे. बचावकार्य सुरु असून पुढील तपासणी व शोधकार्य चालू आहे.