अकोला : पुढारी वृत्तसेवा : रामदासपेठ पोलिस स्टेशन हद्दीतील तापडिया नगरजवळील मेड फोर यू मेडिकल स्टोअर्सच्या मागे असलेल्या ऑफिसचे शटर कापून मेडिकलमधील ३ लाख ३६ हजार रुपयांचा ऐवज लंपास केला. या प्रकरणातील आरोपीला अटक करण्यात आली असून ९० हजारांचा मुद्देमाल जप्त केला आहे.
या घटनेची तक्रार मिलिंद ज्ञानेश्वर पांडव (वय ४३, रा. सद्गुरू पार्क अपार्टमेन्ट, जवाहर नगर) यांनी पोलिसांत तक्रार दिली होती. या तक्रारीवरून पोलिसांनी अज्ञात आरोपी विरुध्द गुन्हा दाखल केला आहे. तपासामध्ये गुन्हे शोध पथकातील गोपनीय माहितीवरून रेकॉर्डवरील गजानन नरसिंग डावेराव (वय ६६, रा. पळसो बढे) यास अमरावती जिल्ह्यातील वलगाव येथून ताब्यात घेतले. त्याने चोरीची कबुली दिल्यानंतर त्याच्याकडील ९० हजारांचा मुद्देमाल हस्तगत केला आह़े.