अकोला : भरधाव पिकअपने पाठिमागून दिलेल्या धडकेत दुचाकीवरील पिता- पुत्र जागीच ठार झाले. ही घटना मंगळवारी (दि.६) बार्शीटाकळी ते महान मंगरूळपीर रोडवर घडली. रमेश हरिभाऊ शिरसाट (६०) आणि उमेश रमेश शिरसाट (३२) अशी अपघातातील मृतांची नावे आहेत.
घटनेची माहिती मिळताच पोलिसांनी घटनास्थळी धाव घेत पंचनामा केला. त्यानंतर दोन्ही मृतदेह शवविच्छेदनासाठी जिल्हा सर्वोपचार रुग्णालयात पाठविण्यात आले. याप्रकरणी पिकअप वाहन चालक गजानन बुधे (सादिक नगर बार्शीटाकळी) याच्याविरोधात गुन्हा दाखल करण्यात आला आहे.