सोलापूर : जुळे सोलापुरात आसरा पूल नजीक असलेल्या कल्याण नगर भागात एका युवकाचा डोक्यात दगड घालून खून झाला. ही घटना आज सोमवारी (दि. १ जुलै) रोजी सकाळी उघडकीस आली आहे. अविनाश हाक्के ( वय २५) असे युवकाचे नाव असून पोलीस घटनास्थळी पोहोचले आहे. त्यांनी मृतदेह पुढील तपासणीसाठी सिव्हिल हॉस्पिटल पाठवला आहे.
अविनाश हाक्के मूळचा मोहोळ तालुक्यातील आहे. तो आपल्या नातेवाईकाकडे कल्याण नगर भागात आजीकडे राहतो. येथील स्टेट बँक ऑफ इंडियाच्या मैदानात त्याचा खून झाल्याचे आज सोमवारी सकाळी उघडकीस आले आहे. यानंतर नागरिकांनी पोलिसांना या घटनेची माहिती दिली.
अविनाशचा खून नेमका कशासाठी झाला? आणि कोणी केला? यांचा पोलिस तपास करत आहेत. विजापूर नाका पोलीस ठाणे याप्रकरणी पुढील तपास करीत आहेत.
या भागात मैदानावर अंधारात रात्री युवक दारू पीत बसतात, महिलांची छेडछाड होते. त्यातून अनेकदा त्यांच्यात वाद होतात. यातून हा खुनाचा प्रकार घडला आहे अशी चर्चा नागरिकांतून होत आहे.